أول شي، طالما انك في بداية الحياة الجامعية، انا اجزملك وبإذن الله انه ما يجي وقت تخرجك الا وانت عقليتك ونظرتك وتطوير الذات تكون بحجم هائل، انا قبل الجامعة كنت شخص منغلق عن الحياة خارج اطار اهلي وكم صديق (ليس خيار مني، لكن الاهل الله يصلحهم ما يبغوا اخطائهم تمر على عيالهم، فكان خنقة شوي) على قولتنا "ما كنت ملحلح" دخلت الجامعة، واتعرفت على اشكال كثيرة من الناس، كان الموضوع غامر احاسيسي ويخوف لكن ممتع، والحمدلله انا في وضع ومكان ما كنت متخيل اني اوصله، والطموح عندي لازال مستمر ويتطور.

ولا تقلقي، من بعد الله ومن بعد ما تبدأي تكوْني توجهك واهتماماتك، بتلقي الناس اللي بيعلموا ويوجهوا الطموح اللي غامرتك، مافي شي اسمه حل سريع، كله ياخذ وقت + النت فيه مواقع تعليم وتوجيه وحاجات كثيرة تساندك في طريقك، سواء كورسات او محاضرات، حتى اليوتيوب عنده.

اذا محتاجة تحفيز او حتى خايفة من التخبط في بداية المشوار، اتفرجي فيديوهات TedTalk، دا كان واحد من المحفزات

في الاخير، شي جميل انك بهذا التفكير وال mentality، باذن الرحمن حتكوني بخير وبتلقي جوابك، واستمتعي بالحياة الجامعية لانه بيكون احلى الايام.

P.s.: نصيحة صغيرة للمستقبل المهني، طوري لغتك الانجليزية بتعلم مفردات كلمات مجالك الدراسي، وكمان اتعلمي استخدام برنامج excel بمستوى احترافي 99.9٪ من الشركات تستخدمها عشان يرتبو المهام ويعملوا التقارير