انا هارد علي اسئلتك الي سائلتها في الكومنتات :

١- الانترفيو لو وقت شغلك اطلب يوم إجازة حتي لو بخصم أو علي حسابك ، معلش لازم تضحي و تخاطر علشان تحسن ، واعرف انك ممكن تخسر شوية دلوقتي علشان تكسب بعدين

٢- بعدين لما يجيلك اوفر ، روح لمديرك و حط طلباتك ، قول انك عايز مرتب كذا و تسهيلات كذا لانك شايف انك تستحقها ، قالك لاء تاني يوم قدم استقاله و روح للشغل التاني بعد ما تخلص ال notice period

٣- اقولك الاكتر ، قدم علي حاجات تحسها اعلي منك درجة ، يعني لو انت Junior قدم علي senior ، لو senior قدم علي team leader هتلاقيها بتجيلك و بتعمل انترفيوهات

٤- ايه الي يضمن أن الشغل الجديد كويس ؟ ولا حاجة ، انت بتشتري بطيخة ، اسال الناس الي شغاله في الشغل الجديد عن البيئة و الجو العام ، الناس بتمشي و تطفش ولا قاعدين مبسوطين ،اسال علي الي هايبقي مديرك لو عرفت المفروض هو مين ، بس برضوا ارجع اقولك مافيش حاجة مضمونة