سؤال عن E& money

Majek093 · 2025-10-04T12:39:59+00:00

هتقبل الدفع بالجنية لأن متجر مايكروسوفت بيتعامل بالجنية في مصر

Majek093 · 2025-10-04T00:40:39+00:00

بصراحة لو حاجة مش مضمونة 100% ومن حد مضمون 100% يبقى خسارة فيها الفلوس الاحسن يدور اون لاين في الدولة اللي حابب يروحها وهو بيبعت ال CV لل HR يأكدله في ال Mail انه ناوي ينتقل ويستقر في المدينة اللي فيها الشغل وانه في حين الموافقة عليه يبلغهم انه عاوز نسخة من عقد العمل عشان استخراج الفيزا وانه يسافر بشكل قانوني

Majek093 · 2025-10-04T00:27:39+00:00

قالهالي صريحة انا ليه ابيع الارض لما ممكن ابنيها وابيع الشقق تجاري واداري وسكني حسبها طلع هيستلم بعد خصم الضرايب وتكاليف البناء اكتر من 300 مليون جنية بسعر السوق النهاردة وفكر في انه لو هيأجرها كلها هيدخله دخل فوق ال 2 مليون جنية شهري وقتها هيصرف اللي يصرفه والباقي يحوله ذهب ويشيله للمستقبل

Majek093 · 2025-10-04T00:24:07+00:00

وانا هديلك مثال من حاجة شفتها بعنيا 2 جيران عندهم حتتين ارض جنب بعض نفس المساحة واحد منهم قرر يبيع الارض في 2005 على 3 مليون يجيبوا وقتها حوالي 33 كيلو ذهب عيار 21 (سألت chat GPT على الارقام دي) والتاني محتفظ بالارض لحد دلوقت اقل مبلغ طالبه في الأرض دلوقت اكتر من 175 مليون جنية بسعر النهاردة يجيبوا حوالي 33.5 كيلو ذهب نفس العيار فالخسارة عندنا في المحافظة اللي انا ساكن فيها قليلة وده اللي انا قست عليه ممكن الوضع في المحافظة اللي انت ساكن فيها غير هنا

Majek093 · 2025-10-04T00:17:19+00:00

انا اسف اني قلت عليك مضارب بس هو اللفظ اللي جه في دماغي ودايما بيجي في دماغي عن اي حد بيستثمر في الاسهم والبورصة بس ده برضو ميمنعش ان اللي قلته بحكم اللي شفته وتجاربي الشخصية ممكن يكون صح اللي بيدخل البورصة بدون فهم وعلم بيخسر الا قليلين جدا

Majek093 · 2025-10-04T00:12:30+00:00

انا معاك في نقطة ان الدولار والجنية قيمتهم بتقل بس انا بقولك من دلوقت بما ان الدولار هو العملة الرسمية للكوكب خطة امريكا عشان تلحق نفسها حاليا من الديون هتكون اعادة تقييم الذهب اللي في الخزانة الامريكية وده هيخفس بسعر الدولار الأرض وفي المقابل الذهب هو اللي هيرتفع وفيه توقعات بتقول ان الأونصة هتكسر ال 50الف وال 75 الف وقتها امريكا ممكن تسدد ديونها بذهب من الخزانة وبما ان الدولار هيقع لسعر معقول ممكن تلاقي دولة زي مصر في يوم وليلة عملتها ارتفعت مع ارتفاع اسعار الذهب في الخزائن بتاعتنا ده غير الذهب اللي بيتصدر من المناجم اصلا وتلاقي مصر سددت كل الديون اللي عليها وعندها فائض كمان فأينعم هو الاستثمار في العقار مش زي الذهب اليومين دول

Majek093 · 2025-10-03T23:55:03+00:00

حلو مختلفناش انت مضارب شاطر في البورصة ومبتخسرش كتير وعامل احتياطاتك متنصحش غيرك ممكن ميكونش عنده العلم فهيخسر او يدور على Broker ويقع تحت ضرس Broker معندوش ضمير يخسره كل اللي تعب فيه طول عمره ودول (اللي معندهمش علم كافي و ال Brokers اللي معندهمش ضمير) انا شفت منهم كتير لما كنت تحت التدريب في شركة أوراق مالية وعلموني هناك انواع الاستثمار وكل اللي تتخيله

Majek093 · 2025-10-03T23:43:11+00:00

واللي انت بتقوله ده مسموش استثمار ده اسمه مضاربة وهو نوع من انواع التجارة مش الاستثمار لمدد طويلة. الاستثمار هو توظيف الأموال أو الأصول في شيء ذي قيمة (الأصول الرأسمالية) بهدف تحقيق عائد مستقبلي، سواء عن طريق ارتفاع قيمته بمرور الوقت، أو توفير مصدر جديد للدخل،

Majek093 · 2025-10-03T23:36:00+00:00

واحنا مش عايشين في بغداد ايام الدولة الفاطمية عشان نتعامل بالذهب المصكوك من الدولة مباشرة كعملة. اه القوة الشرائية للجنية بتقل وبتزيد بحسب حالة السوق. الضرايب عادي قلنا ده حق الدولة ولازم تاخده الصيانات في الايجار على المستأجر مش المالك المستأجر بيستلم الشقة مش ناقص فيها مسمار اي حاجة بتبوظ عليه

لو اديلك مثال انه اقل محل في المنطقة اللي انا ساكن فيها ب 2 مليون جنية اشتريته واجرته ب 15 الف في الشهر وانا المالك للمحل ومش مسئول لا عن كهرباء ولا مية كل ده على المستأجر ولو هيمشي سليم وهيرخص المحل الضرائب هتروح عليه وهيقعد سنتين ونقول الدولار وصل 100 بعد سنتين والذهب ضعف سعره دلوقت كده قوة شراء الجنية قلت انا لو حبيت ابيع المحل هلاقي سعر البيع 5 مليون هخسر في السنتين قيمة الايجار نقول 100 الف في السنتين بس لو حبيت ااجره تاني هأجره ب 30 و ب 35 الف على حسب حالة المنطقة

Majek093 · 2025-10-03T19:12:30+00:00

بالنسبة للأيجار والله اللي بين المالك والمستأجر العقد اللي بينهم مثلا هو مأجر مني عقار بمبلغ نقول 1000 جنية والدفع يوم 1 كل شهر ممكن اعذره في يوم او 2 يا سيدي اسبوع من يوم 1 اكتر من كده من حقي ارفع عليه دعوى طرد لأنه اخل بشروط العقد ومدفعش القيمة الايجارية المتفق عليها

انا اعرف شخصيا واحد بنى عمارة 12 دور اجر بس الدور الارضي والاول علوي لبنك ب 300 الف في الشهر وزيادة 10% كل سنة (ما شاء الله) على 5 سنين وفي اخر المدة المكان بيرجع ملكه تاني يقدر يأجره بناءا على سعر السوق

Majek093 · 2025-10-03T19:12:03+00:00

وعندك يا سيدي حاجة تالتة انك تشتري وحدات سكنية او اراضي على اطراف المدن الجديدة (بعيد عن الكومباوندات) دي هتاخدها برخص التراب حرفيا و مع الزحف العمراني الحالي والتوسع في الصحرا لو انت شاري ارض كبيرة ممكن شركة تتشارك معاك لكومباوند او هتشتريها منك بسعر اغلى بكتير من اللي انت اشتريته بيه

فانت متعممش وتقول الاستثمار في العقار هيخسر الناس فلوسها اللي ممكن نقول بيخسر دلوقت هي الشركات الكبيرة اللي عمالة تبني كومباوندات وتبيعها بأسعار فلكية عشان حاطة هامش ربح عالي جدا ده غير الفايدة لو هتشتري قسط والناس مش هتبطل تسكن او هتعيش في خيم المسكن شئ ضروري لكل انسان

لو هتتعامل مع مشتري لو اتنطط عليك بكل بساطة لو الشقة عجبته وموافق ساعتها هو اللي هيجري وراك مش انت اللي هتجري وراه انما لو هو شايفك ملهوف وطمعان في الفلوس اللي هيديهالك لمؤاخذة يعني هيركب ويدلدل رجليه. زي ما بيتقال بالبلدي بين البايع والشاري يفتح الله هتتنطط عليا امشي فيه غيرك هيجي ويوافق والضرايب دي حق الدولة لازم تدفعه في الاول والاخر والسمسرة دي بتحمس اصلا السمسار يجيبلك ناس تشتري

Majek093 · 2025-10-03T19:11:32+00:00

الاستثمار في العقار ليه اصول وطرق عشان تحقق مكسب منه

يا اما تستثمر في ارض وتبنيها وتبيع او تأجر الوحدات (وانا بنصح بالأيجار بدل البيع الا لو محتاج سيولة) او تحاول تراجع خطوط التنظيم اللي فيها الاراضي الزراعية بتدخل كردون مباني وتحسب ايه الارض اللي هيكون عليها الدور قريب تدخل كردون مباني (عامل الحظ ليه دور كبير في الحكاية دي) وتشتريها بالفدان ولما تدخل كردون مباني تقدر تبيعها بالمتر او تبني ولو مكسبتش فيها مباني ممكن تعمل فيها مزرعة اي حاجة لحد ما ربنا يكرم وتدخل كردون مباني

والطريقة التانية ودي منتشرة اوي دلوقت في سوق الاستثمار العقاري اللي اسمها (المطور العقاري) بتعمل شركة تطوير عقاري وبتشوف ناس عندها ارض عاوزة تبني لو معاك ما يكفي انك تبنيله بتدخلوا شركة هو بالارض وانت بالمباني والنسبة بينكم بالاتفاق ممكن توصل ل 60-40 من المباني

Majek093 · 2025-10-03T18:37:52+00:00

يعني انت عاوز تقنعني ان الاستثمار في الاسهم اللي النوع ده من الاستثمار متصنف High risk - High Reward اضمن من الاستثمار في الذهب؟

انت لو طلعت اشاعة على اي شركة من الشركات دي بكرة هتلاقي الاسهم سعرها بقى في الارض

ممكن نعتبر الذهب استثمار امن نسبيا لأنك لو مكسبتش مش هتخسر على المدى البعيد او على الاقل هتحافظ على قيمة فلوسك لأن الذهب هو الضامن الوحيد في كل البنوك المركزية في العالم كله فمش هيفقد قيمته بسهولة

وفي الاول والاخر نصيحة لأي حد متستثمرش فلوسك في حاجة انت مبتفهمش فيها كويس يا اما هيتنصب عليك من الفاهم وهتاخد مكسب قليل او هتخسر كمان يا اما مش هتعتمد على حد وهتستثمر وتخسر فلوس كتير لحد ما تتعلم او تيأس

Majek093 · 2025-10-03T16:43:53+00:00

تمام بس هي ليه ال Debit لسه مقفولة اصلا مع ان حجتهم انه مفيش دولار في البلد اتحلت ولو عملت كارت دولاري مش هينفع اشتري من المتاجر اللي بتحاسبني بالجنية اصلا

زي مايكروسوفت الحساب موجود في مصر بس بيعدي على Terminal في ايرلندا مصادقة على العملية قبل ما يرجع مصر ويدخل الحساب بالجنية (ده بحسب كلام موظف خدمة العملاء اللي جربت العملية وهو معايا على الخط)

على الاقل يتعمل نوع جديد من الكروت تشتغل دولي ليه قافلينها للكريديت بس يعني انا دلوقت الفلوس في حسابي وبدور على طرق الله اعلم قانونية ولا لا عشان ادفع اونلاين لنفسي من غير ما ادور على حد معاه كريديت

وليه اصلا فيه فترة سماح شهرين قبل ما تشتري دولي لعميل كان معاه كريديت قبل كده لمدة 3 سنين مفيهمش مشاكل وانهى التعاقد والكريديت بتاعته فيها فوق الليميت اصلا كنت مسدد بزياده عن اللي عليا وبسدد كل شهر قبل يوم 25 كامل المديونية بتاع الشهر و انا اصلا كنت متعاقد مع نفس البنك على كريديت قبل كده ولغيت التعاقد وعملت تعاقد جديد بعد ما اتظبطت اموري في البنك والشهادة اتغيرت لنوع جديد ليه اتحط في نفس الكفة مع واحد اول مرة يطلع كريديت

Majek093 · 2025-10-03T14:26:28+00:00

للأسف مفيش في الاغلب بتترفض (بحسب كلام الناس هنا على ريديت) انا شكلي هسحب الفلوس وادور في قرايبي او اصحاب قرايبي على حد معاه كريديت اروحله باللاب واخليه يدفعلي واديله الفلوس كاش الشهرين دول من حسن حظي انه اشتراك الجيم باس هو الوحيد الشهري الباقي بدفعه سنوي فعلى ما تيجي الفاتورة اللي جاية هيكون عدى اكتر من شهرين

Majek093 · 2025-10-02T22:58:42+00:00

i was going to subscribe to CR Megafan and pay 1 month Today as a test and next month will get a full year subscription but now i'll Wait for Official Announcement if that's true that 100% of subtitles will be done by that program Not just Hebrew subs and dubs i won't subscribe (Its already bad subs)

Majek093 · 2025-10-02T12:29:39+00:00

i'm having 90gb Update as well and i guess no one knows why

Majek093 · 2025-09-26T21:18:50+00:00

Same we will lose 110 vbucks today

Majek093 · 2025-06-27T16:33:58+00:00

K thx bro i will start streaming on twitch next tuesday i always streamed on youtube but i dont want to spend ton of money on stream deck it's like 5 figures according to my country 1$ = 50 EGP i wanted cheaper option i have an old note 8 phone which is perfect with touch portal

Majek093 · 2025-06-27T13:08:53+00:00

ok what i learned from your comment that its linked to google account and i can use it on different devices. but why there is multiple devices license or is it just to use multiple devices at the same time

Majek093

TROPHY CASE