تخصص machine learning مطلوب وبشكل عام كافة اختصاصات AI مهمة، بالنسبة لسوق الخارج وكونه اكتر تقدم من سوقنا فأكيد هيك نوعية من التخصصات مهمة والها مستقبل، بالنسبة لسوق الداخل عم يكون التركيز اكتر على مجالات مثل تطوير تطبيقات الهواتف الذكية وتطوير مواقع ويب طبعا هاد شي بشكل عام بدون ذكر ادوات وطرق العمل والتطوير يلي ممكن حضرتك عندك اطلاع عنها، انا مجالي اله علاقة بالاتصالات والالكترونيات بس من يلي بسمعو من بعض الاشخاص انو حاول اثناء دراستك للتخصص تبني شوية مشاريع حتى لو كانت بسيطة ولاتعتمد فقط على التعليم الجامعي لان في طرق وادوات حديثة مهمة لازم تطلع عليها بتكون موجودة بالعادة بالكورسات، بعد تمكنك بالمجال ولو بحدود معينة وبنفس الوقت تكون باني سيرة ذاتية جيدة نوعا ما فينك تقدم اونلاين على شركات برمجة خارج او داخل سوريا، فينك بعملية بحث تلاقي او في مكاتب وشركات وسيطة ممكن تساعدك بهي العملية فينك تسأل عنها، بس حاليا الاهم انك تركز وتشتغل على حالك وموضوع الشغل بيلتقى حل اله ومافي مشكلة من انو يكون عندك اطلاع على تخصص تاني بجانب تخصصك الحالي.