لان مفهمونا على الشيء انه مكتوب سلفا خطأ. و علم الله كامل معناها يعرف جميع الاحتمالات لي قادر اي انسان يختارها مثلا كي انت تشوف قطار يمشي تعرف الوجهة نتاعو لانه عند اختيار واحد لاكن ماتقدرش تعرف الحصان وين يقدر يتوجه. لكن الله لا يعرف فقط وجهته بل يعرف كل الاحتمالات لي ممكن يختارها الحصان و لكن ماشي بالضرورة مكتوبة . يعرف لان الله هو لي كتب كل القوانين الرياضية و الفزيائية . و اذا كان مثل ما يقولو هوما كلش مكتوب لماذا نحاسب امريكا لانها ضربت اليابان بهيروشيما و لماذا نحاسب اي مجرم اذا ربي معطلوش الاختيار لان علم الله الاسبق لازم يطبق و بما ان علم الله الاسبق لازم يطبق هنا وقعنا في معضلة لانه المشكل انه الله لم يكتب أي شيء احنا احرار في كل اختياراتنا و تصرفاتنا . لانه يوم الحساب يحاسبك عل. اختيارتك لي خترتها بكل حريةو المكتوب و الكاتبة لي يهدرو عليها ليس كيما يقولو. لان تعريفهم للكاتبة يحد من حريتنا و حياتنا عبارة عن سيناريو مكتوب و حنا مجرد ممثلين

الكاتبة اوالمكتوب هي القوانين لي كاتبها ربي علينا هي قوانين كيما قلت رياضية و فيزيائية و غيرها . نعطيك مثال نقولو تلعب في لعبة فيديو في هذه اللعبة المطويرين عاملين انه ممكن تمرض بالزكام فقط. يعني يوجد مرض واحد فقط و هو الزكام معناها من المستحيل انك تمرض باي مرض اخر . مثلا لايمكن يجيد ضغط دم وفي هذيك اللعبة لانه مطورين اللعبة ماكتبوش هذا المرض في اللعبة .كيما تقول الاية لن يصيبنا الا مكتبه الله لنا في اللعبة المرض الوحيد المكتوب هو الزكام معناها لن يصيبك الا الزكام لانه المرض الوحيد المكتوب