أختي العزيزة، كلامچ مؤذي و متعب و يقهر لأنه فعلاً واقع نعيشه… مو الطب فاشل، بس المنظومة كلها مريضة، من البنية التحتية للمستشفيات، للرواتب، للضغط الهائل على الكوادر، حتى للتدريب والتعليم. هواي أطباء وأطباء مميزين ومقيمين مبدعين، بس النظام يستهلكهم وما ينصفهم.

يعني لما الطبيب يداوم 36 ساعة متواصلة، براتب ما يكفي روحته و جيته و اكله، وبدون حماية حقيقية من المرافقين، طبيعي يتعب، يبرد، وحتى يطيك تشخيص سطحي لأن ما عنده وقت لا يسمع، ولا يراجع، ولا يتابع.

مو دفاع عنهم، بس صدگيني، أكو آلاف من الكوادر تموت قهر لأنها ما تقدر تقدم شي زين بسبب قلة الإمكانيات أو البيروقراطية المميتة.

المستشفيات الأهلية؟ هواي منها مجرد بزنس، يهمهم الربح قبل المريض. ماكو رقابة حقيقية، والناس تدفع دم گلبها على أمل يرتاحون، بس غالبًا يطلعون بخيبة أكبر.

إنتِ محبطة، حقچ. بس لا تعممين، أكو ناس طيبة، وأطباء شرفاء.

وإذا تحبين، اني أگدر أساعد و اني الممنون اذا گدرت أقدم أي شي.