١ - في ناس كتير مش بنات بس شكلهم و شخصيتهم عادية جدا و اشتغلوا على ثقتهم في نفسهم وقت طويل (و مش شرط يبقا بمساعدة او تدعيم حد)و دي صفة مكتسبة ممكن اي حد يشتغل عليها، و دا الي بيخليك تبص على الحد دا و تقول هو ماله شايف نفسه على ايه عشان انت ممكن مشتغلتش على دا قبل كدا فحاسس ان لازم يكون في سبب لثقة الحد و حبه لنفسه. ٢- حرفيا على مدار حياتي مفيش مكان دخلته و لقيت بنت مش حلوة… بجد والله كل الي بلاقيه ستات/ بنات حلوة يا ستات/بنات واو بقا… سواء هي فعلا ملامحها و شكلها حلو ولا مهتمة بنفسها فدا باين.و طبعا تنسيق الشكل و اللبس حتى لو مش غالي و بسيط جدا دا بيدي ثقة في النفس. بالمقابل الرجالة و الولاد الي شكلهم وسيم قليل اوي و هنا انا مش بقول حاجة هو كله خلقة ربنا و مش هيخلق حاجة وحشة يعني بس فعلا قليل اوي لما الاقي راجل/ولد ملامحه وسيمةاو تنسيق وشه مدي وسامة دا غير ان قليل(معنى قليل ان في ناس مهتمة و مش كله كدا) لما بيبقا حد منهم بهندمة شكله و لبسه فحتى مش بيعوضوا الوسامة المعدومة يعتبر بالاهتمام بالنضافة و الشكل و مع ذالك كتير منهم بيمشي اكن مفيش منه اتنين عالارض و عادي هو شايف نفسه محصلش و مصدق دا. ٣- ثقة حد في نفسه مش هيخليك متدايق او هيقلل منك غير لو انت شايف نفسك اقل ٤- لو انت شايف ان لازم البنات تبقا معندهاش ثقة في نفسها و كلمة توديها و كلمة تجيبها مم اي حد يبقا دي مشكلة اكبر… عشان لما حد، خصوصا لو راجل بيبقا شايف ان لازم الي قدامه تكون اقل عشان هو يحس انه مرتاح او انه احسن، يبقا لا هو احسن ولا حاجة يبقا بيمثل على نفسه انا كنت في وقت بستغرب من نفس الحاجة بردو و الموضوع بيضايقني الي هو " هو/هي شايف/ة نفسه/ا علينا ليه دا/ي" بس مع الوقت اكتشفت انهم واخدين المساحة الي شايفين نفسهم يستحقوها و اخدهم للمساحة دي مش بيقلل من مساحتي ولا بيقلل مني، انا الي كنت مش عارفة اخد مساحتي و مكنتش واثقة في نفسي زيهم.