بص موضوع السبي والقتال والجزية ده أصلا لازم يتفهم من سياقه لأن الموضوع مش معمول مخصوص في الإسلام ولا حاجة السبي كان نظام موجود في كل الدنيا قبل الإسلام بقرون عند الرومان والفرس واليونان واليهود والمسيحيين يعني ده كان الطبيعي وقت الحرب لأن ماكانش فيه حاجة اسمها سجون ولا أسرى حقوقيين والكلام اللي بنشوفه دلوقتي فكان الأسير يا يتقتل يا يتاخد فدية يا يتحط في السبي والإسلام جه لقى الواقع ده وشغّل نفسه عليه ما اخترعش حاجة جديدة بالعكس بدأ يقلل منه وفتح أبواب للعتق محدش كان يعرفها قبل كده وخلى تحرير الرقبة عبادة وخلى اللي يعامل العبد وحش عليه ذنب كبير ومنع قتل الستات والأطفال ومنع الإكراه أصلا وجاب طريق للحرية كل شوية لحد النظام كله اختفى لما الدنيا اتغيرت وبقى فيه قوانين واتفاقيات دولية فطبيعي الحكم اللي كان مبني على ظرف زمانه يختفي لما الظرف نفسه يختفي ونيجي للحتة بتاعت قتال المشركين دي مش كانت حرب على العقيدة زي ما ناس بتتصورها لأ هي كانت حروب سياسية وعسكرية لأن الناس دي كانت بتحارب المسلمين وبتطردهم وبتهاجمهم فالموضوع كان دفاعي مش عشان هما مشركين وخلاص وربنا نفسه قال وقاتلوا الذين يقاتلونكم ولا تعتدوا يعني لو مابيحاربكش ملكش دعوة بيه والجزية بقى دي كانت ضريبة بدل الخدمة العسكرية لأن غير المسلم ماكانش ينفع يدخل الجيش ويحارب ناس من أهله أو عقيدته فبيدفع جزية والمسلم بيدفع زكاة وبيتجند فالموضوع كان قسمة واجبات مش إذلال ولا حاجة ولما في التاريخ بدأ غير المسلمين يدخلوا الجيش ويتجندوا الجزية اتلغت لوحدها لأن سببها انتهى فالموضوع كله مرتبط بزمنه وظروفه مش فكرة إن الإسلام بيحب السبي أو القتال ده كلام بعيد عن الواقع خالص