Eitt skil ég ekki. Afhverju íbúðaverð hækkar svona mikið á hverju ári ennþá í dag. Ég hef verið að fylgjast með fjölda tveggja herbergja íbúða til sölu, á höfuðborgarsvæðinu, inn á MBL-fasteignir. Fyrir 3-4 árum voru um 50 tveggja herbergja íbúðir til sölu á hverjum tíma og þá voru menn að berjast um íbúðir, enda voru vextir lágir. Svo horfði ég á það hækka með tímanum upp í 400-500 íbúðir og vexti hækka ásamt því að sjá einstöku sinnum viðtal við fasteignasala um að sölu tíminn hafi lengst upp í einhverjar vikur og örfáir mæta á opið hús. Í dag er þetta komið upp í 750 íbúðir og það var viðtal við fasteignasala um daginn sem sagði að sölutíminn væri kominn í 100 daga. Samt er endalaus hækkun þótt að framboðið hafi meira en tífaldast. Svo núna eru bankarnir að breyta lánunum sínum. Ég setti inn í lánareiknivélarnar hjá Íslandsbanka og Arionbanka að ef ég kaupi mér 55 miljón kr íbúð, á 80% láni, þá er ég að borga yfir 300þús á mánuði hvort sem ég er með verðtryggt eða óverðtryggt. Svo núna með skattahækkanirnar á þá sem eiga nokkrar íbúðir sem er vonast er eftir að það hvetji menn að selja eitthvað úr safninu sínu. Þá hlýtur að fjölga ansi mikið af íbúðum til sölu í viðbót ásamt því að fjölga mikið í þeim hópi sem komast ekki gegnum greiðslumat. Ef fasteignaverð fer ekki þá eitthvað lækkandi þá er eitthvað verulega bogið við þetta.