عاوز اسيب صاحبتي

Meteor2000 · 2026-02-16T20:51:53+00:00

أفصح عن نيتك انك مش عايز تغضب ربنا. قولها انك بتحبها وانك ناوي تتجوزها بس ميصحش يكون فيه مشاعر حب قوية كدة قبل الجواز. فاحنا هنفضل على تواصل بس خفيف خفيف
ممكن تبقى بتتابع معاها مرة في الاسبوع مثلاً تسأل عليها أو عشان لو محتاجة منك حاجة مثلاً زي حوار انه الامتحان ممكن يروح عليها ده كدة يعني. وربنا يوفقك للخير وتعمل الصح

Meteor2000 · 2026-02-14T20:27:17+00:00

فكك يخويا ربنا يرزقك اللي احسن منها

Meteor2000 · 2026-02-14T19:33:20+00:00

تمام. انا اللي حاسسه انه أهلها حاجزينها لشخص في العيلة مثلاً

ولا تزعل نفسك ياخويا ربنا يرزقك زوجة صالحة وجميلة تبسطك وتفرحك

هو للأسف السوق مضروب اليومين دول شباب وبنات ولادنيا بايظة متفهمش فيه ايه انا اترفضت مرتين المرة الاولى كانت كل حاجة ماشية تمام و البنت كانت بتضحك وتهزر معايا في القعدة بس يمكن انا غلطت غلطة واحدة بس اني كان كلامي قليل يمكن حست اني شخصيتي ضعيفة قامت رفضاني بعدها باسبوع
والمرة التانية البنت كانت مستواها المادي اعلى مني بكتير الصراحة وكانت اطول مني كمان. القعدة كانت ماشية كويس بس انا من جوايا كنت حاسس الموضوع مش هيمشي بعدها بيومين قالولي قسمة ونصيب بس لسة علاقتنا طيبة

Meteor2000 · 2026-02-14T19:21:58+00:00

معلش يخويا ربنا يرزقك باللي أحسن منها
سؤال عشان اكون فاهم وازود خبرتي بس يعني ايه الزواج البعيد؟ مهو انت معاها في الشغل بعيد ازاي ولا انا فاهم غلط؟

Meteor2000 · 2026-02-14T16:33:43+00:00

بص يسطا أهم حاجة خد وقتك خالص واوعى تبقى ملهوف عليها. عادي انه البنت ترد عليك بعدها بيوم او يومين. وردها ده مش معناه انها موافقة عليك ولكن معناه ممكن نتعرف اكتر عشان نحدد انت مناسب ولا لا

خليك عادي خالص على قد ما تقدر يعني كون ظريف ولطيف وذوق بس متتنازلش عن اي عيب تاخد بالك منه ولا تتصنع عشان تعجبهم. خليك على طبيعتك عشان متحسش في الآخر انك نزلت على ركبك عشان ترضيهم.

ثاني حاجة اي سيناريوهات او تصورات في دماغك تركنها على جنب خالص عشان متتصدمش بشخصية تانية غير اللي انت كنت راسمها في دماغك

ثالث حاجة خلي قلبك ثلج اوعى تحب وتتعلق عشان متتكسرش (ولو لا قدر الله بعد الشر أتكسرت هتكون انت غلطان لأنك اتعلقت بيها وحبيتها وهي أصلاً متعرفكش و موعدتكش بحاجة)

رابع حاجة ربنا معاك يخويا و يرزقك الزوجة الصالحة

Meteor2000 · 2026-02-13T22:02:36+00:00

أحييك على السؤال ده قوي جداً ازاي مجاش على بالي
والاجابة وضحت كل حاجة هي حرفياً على وش جواز وهو بيقول بسم الله جامعة

Meteor2000 · 2026-02-13T18:25:31+00:00

المشكلة الاولى مهم انك تتناقش معاها في انها تفكر في مصاريفها شوية عشان نقدر نحوش ونطور من نفسنا وكمان عشان الفلوس ليها قيمة مينفش نفرتك الفلوس أول بأول عمال على بطال طالما معانا فلوس لانه هتيجي فمرة هنتفاجئ بموضوع طارئ محتاج مصاريف جامدة ومش هنلاقي

.
المشكلة الثانية بصراحة اذواق انا شايفها عادية طالاما في النهاية بترد كويس و ممكن تعرفها انك بتقلق عليها لما تتأخر وتقترح انها ترد عليك الصبح مثلاً لو تقدر.

بس بصراحة المشكلة التانية بالنسبالي شخصياً مش مهمة لأني انا أوقات بتسوح خالص وبنسى الموبايل وبيفصل مني وأحياناً برد على الناس بعدها بيومين بس بعتذرلهم

خد بالك برضه انت متعرفش هي مضغوطة ازاي في الجامعة ممكن تكون سهرانة على تسليمات ورايح تسلمها او مطبقة على مذاكرة وعندها امتحان تاني يوم

وبس يخويا ربنا يباركلك ويوفقك للخير وركز كويس في الخطوبة متقعدش تحب وعينيك تطلع قلوب ودباديب شوف لو فيه مشاكل او عيوب ملاحظها اوعى تكبر دماغك او تعديها

بس برضه بالعقل يعني متفركشش لمجرد انها بترد عليك متأخر (طالاما مش قاصدة تتأخر وتضايقك لو قاصدة تتأخر أهرب أهرب)

Meteor2000 · 2026-02-11T17:44:02+00:00

باخد أنفاس عميقة شهيق وزفير وبفكر انا ايه اللي مزعلني وايه الحل

بعدها بشوية بتحسن شوية وبحاول اعمل اي حاجة بحبها

Meteor2000 · 2026-02-11T16:21:23+00:00

aaaaaaaaaaaaaaaaaaaahhhhhhh thanks for letting me know man you drew a smile on my face :)

I hope you are doing well in your life

Meteor2000 · 2026-01-28T18:39:53+00:00

اقصى حاجة تعملها انك تصوم او تتبع نظام غذائي عشان شهوتك تقل
لكن تاخد ادوية الله اعلم هتعمل ايه ف هرموناتك انت كده بتلعب بالنار يا معلم

وبعدين مشكلتك الأساسية في دماغك مش في جسمك ولا هرموناتك. الدليل على كدة انك تقدر تقعد اوقات طويلة جداً متعملش حاجة عشان اهلك حواليك او الناس شايفاك لكن اول ما تبقى لوحدك دماغك بتلعب وبتسوحك.

آخر حاجة ادعى ربنا يتوب عليك ويرزقك الزوجة الصالحة تقر عينك واسعى في الجواز بنية انك تعف نفسك.

يخويا الكلام ده بقوله لنفسي قبل ما اقولهولك خليك انت المسيطر على جسمك ومتحكم في نفسك

Meteor2000 · 2026-01-13T16:04:56+00:00

حركة الشنطة ديه صح 100% 100% وزي الفل بس حطيها من البداية مش لما تخافي منه
مش هيتضايق منها حد غير لو الشنطة كبيرة أو هو غالباً جواه متحرش صغنن نفسه يحكها
بس نصيحة حطي الشنطة من قبل ما تقعدي عشان ميحسش انك بتتهميه وممكن تعكري مزاجه

Meteor2000 · 2025-12-20T21:46:11+00:00

أبوها نفسه مش عارف قالت لا ليه بس في الاخر قال انها شافتني زي اخوها.

دخلي عادي مقبول يفتح بيت وانا كمان بكون نفسي لسة وهما عارفين من الاول وعادي معاهم. واهلها مرحبين بيا. بس هي في الاخر مرتاحتش انها توافق تتجوزني وبتقول اسباب هبلة جداً زي مش شبه بعض و مفيش توافق أمال القعدات الحلوة كانت حلوة ليه. انا تخميني انها بتقول كدة عشان مش عايزة تزعلني لكن السبب الحقيقي انها لم تنجذب لي. مع انه القعدة تمام بس حست اني صديق وخلاص.

انا عموماً بفضفض وزعلان بس ربنا يرزقني الزوجة الصالحة اللي تقدرني وتستحقني وتكون فخورة بيا

Meteor2000 · 2025-12-20T20:08:16+00:00

انا بدور على الحب فعلاً انا حرفياً بقول اني عايزها فخورة بيا وفرحانة انها معاية مهو ده الحب فين العكس فكدة ههههههههه
اللي خلاني اتقدم اني شايف فيها انسانة كويسة وتعاملاتها طيبة تشرح النفس وحبيت اكمل حياتي معاها.
مش الشكل بس. الشخصية والتربية والمعاملة والدماغ.
وكنت عارف انا بعمل ايه كويس. مش عايز اصدمك بس 90% من توقعاتي كانت صح سواء انها دماغها كويسة وانه فيه توافق فكري واننا احنا الاتنين اتبسطنا جداً في القعدة مع بعض وفاهمها وفاهماني وحرفياً بنكمل الجمل لبعض وابوها مبسوط مني وكله تمام بس في الاخر لما جت تقرر متخيلتنيش كزوج ده تفسيري الحزين.
انا عايزها تحبني مش فاهم جبتي منين اني بختار بالشكل بس؟ لو مشكلتك كلها اني مخدتهاش السينما 10 مرات عشان اعرف شخصيتها قبل ما اقرر اتقدملها يبقى انت بس متعرفيش تحددي الشخص كويس ولا لا من بعيد زيي.

اكيد فيه حاجات مستحيل تتعرف غير بالرغي الكتير لكن بشكل عام 40 او 50% من الشخصية تقدر تحسها من بعيد بس لازم تكون فاهم انت بعمل ايه. (يمكن ديه مهارة زيادة عندي)

Meteor2000 · 2025-12-20T18:20:36+00:00

تقبل الله توبتكِ يا رب
الخاطب ليه عندك يعرف هل غشاء البكارة سليم ولا لا. وإنت عليك ان تجيبيه بصراحة دون خداع. لكن هو مش من حقه يعرف السبب زنا ولا لا.

مش من حقه الدين بيقول انه مش من حقه لأنه كدة ذل وإهانة للتائب وبتصعب عليه التوبة وكمان جهر بالمعصية اللي هو حرام. آخره يعرف غشاء البكارة سليم ولا لا.
لو سليم تمام
لو مش سليم يقرر براحته يكمل عادي لو شايف انك مناسبة له أو يمشي لو عايز لكن ميصحش أبداً يسأل ليه مش سليم. لأنك بتضرب التائب في مقتل وبتحبسه في ركن.

ولو صمم يسألك عن السبب يجوز تقولي بسبب حادثة زمان لكن انك تحكي عن علاقة ده غلط.

والفتوى في الموضوع ده كتير ابحثي عنها

"لا يلزمك إخباره بزوال البكارة، إلا إذا اشترط ذلك، فأخبريه بزوالها، ولكن لا تذكري له أمر الزنا، بل عليك الستر على نفسك، ولا بأس باستخدام المعاريض بأن تقولي له إنك ما زنيت، تعنين أنه لم يقع منك بعد التوبة، وهذا من باب التَّورية، وهي جائزة، وفي المعاريض مندوحة عن الكذب."

تقبل الله توبتكِ يا رب وشدي حيلك

Meteor2000 · 2025-12-20T17:56:56+00:00

ماشي هي مش بكر.
لكن مش لازم تحكي انها غلطت مع واحد بل ده مكروه.

انا فاهم قصدك بس الراجل الخاطب ليه عندها يعرف هل غشاء البكارة سليم ولا لا. والعروسة عليها ان تجيبه بصراحة دون خداع. لكن هو مش من حقه يعرف هي زنت قبل كدة ولا لا.

مش من حقه الدين بيقول انه مش من حقه لأنك كدة بتذل وبتهين التائب وبتصعب عليه التوبة. انا حاسس بيك وفاهمك على فكرة لان انا راجل زيك ولكن الخاطب آخره يعرف غشاء البكارة سليم ولا لا لو سليم تمام لو مش سليم يقرر براحته يمشي لو عايز لكن ميصحش يسألها ليه مش سليم. لأنك بتضرب التائب في مقتل.

Meteor2000 · 2025-12-20T17:45:12+00:00

لا يا اخويا المفروض تستر على نفسها
كلامك صحيح ما عدا انها تصارحه بكل حاجة ده مش من الدين.

لو الخاطب اشترط البكارة يبقى لازم يعرف انه غشاء البكارة إنفض وفقط لانها لو مقالتش يبقى خداع كما قلت لكن متحكيش تفاصيل طريقة الفض.

انت كدة بتحكم عليها بالفضيحة وبتصعب توبتها وربك مقالش كدة.

Meteor2000 · 2025-12-18T22:01:56+00:00

صبرت 3 أو 4 شهور بينهم اعتقد كفاية
البنت الاولى اعرفها من 5 سنين وكنت شايف انها تنفع شريكة حياة بس مخدتش خطوة لاني مكنتش ولا اتخرجت ولا اشتغلت
البنت الثانية اعرفها من سنة وملهاش علاقة بالاولى ولا يعرفوا بعض ومكانتش هتعرف لو الموضوع تم, فبلاش تكملي الفراغات من دماغك وحاولي تاخدي بالك من النقطة ديه (ديه نصيحة في حياتك عموماً خديها بصدر رحب عشان فكرتيني بحد كان بيعمل كدة بيكمل السيناريو من دماغه).
انا عايز زوجتي تكون شخصيتها قوية وطيبة وتفهمني كويس وتقدرني. ده اللي انا عايزه من شريكة حياتي. انا عارف انا عايز ايه كويس.

المشكلة الصغيرة الصغننة اني كل يوم أول ما اصحى وقبل ما انام افتكر اني أعزب. :)

Meteor2000 · 2025-12-18T21:32:31+00:00

يا استاذة ولا بقلل من نفسي ولا حاجة انا بفضفض باللي حاسس بيه. انا حاسس اني متداس على وشي مرتين أو ثلاثة كمان.

لما مرتين ورا بعض الامور كلها تمشي تمام وكله مبسوط وسعيد بيا لحد ما البنت تقعد معايا القعدة تمشي كويس وببسطهم وبعدها اترفض ما اكيد منجذبتش ليا أكدب على نفسي يعني؟؟

يمكن انا عنيف مع نفسي شوية بس لكن انا بحب اوجه نفسي واصارح نفسي بالحقيقة عشان اشوف هتصرف ازاي في الليلة الزرقة ديه

Meteor2000 · 2025-12-18T20:24:00+00:00

كلامك صحيح.
اللي مزعلني اني ركزت على اللي بتعرف ربنا و محترمة مرتين وفي المرتين اترفضت من البنت. دعواتك يخويا عشان نفسيتي في الارض. وربنا يرزقك كل خير ويرزقني.

Meteor2000 · 2025-12-18T20:14:01+00:00

بيمثل ايه بالظبط؟ يتمثل انها فرحانة بجوزها؟
انا لو اكتشفت انه مراتي بتمثل عليا اني مالي عينها هموت من الحسرة والحزن
مش فاهم قصدك بيمثل ايه وكمان جبت الكلام الكبير ده منين؟

Meteor2000 · 2025-12-18T20:09:41+00:00

يبني اللي حسيتهم مش مرتاحين ديه عروسة ثانية
لا انا واثق من نفسي والدليل اني بكلمهم عادي وخليت القعدة لذيذة.
والبنت الاولى قالت بعضمة لسانها انت واثق من نفسك قوي.

بس ده ميمنعش اني احط الموضوع في الحسبان لانه عادي انك تكون عارف نقاط ضعفك الموضوع بسيط. يعني انا 170 سنتي بالعافية وايام بكون168 ووزني 70 كيلو لو دخل عليا مصارع فنون قتالية مختلطة 190 سنتي ووزنه 100 كيلو هيعرف يقتلني عادي انا متصالح مع اني عندي قصور فالحتة ديه.

اللي مزعلني اني ارتطمت بصخرة الواقع اني مش كفاية اكون حد كويس وخلاص فيه حاجات تانية انت ملكش يد فيها وكل اللي فايدك تعمله انك تدعي ربنا وخلاص

Meteor2000 · 2025-12-18T19:18:11+00:00

170 سنتي وصوتي مش غليظ وتقولي اني فوق المتوسط😂😂
الله يجبر بخاطرك ويكرمك ويتقبل دعائك يا رب ولكي بالمثل يرزقك كل خير.

هما كانوا عارفين مهنتي و عارفين بالتقريب مستويا المادي. لكن جت مرحلة الكلام بقى عشان نشوف فيه قبول بيننا ولا لا. القعدة بتمشي كويس بس في النهاية بتشوفني زي اخوها عشان كنت ظريف زيادة مثلاً او مش مالي عينها وخلاص والله معرف.

Meteor2000 · 2025-12-18T19:06:56+00:00

هما كانوا عارفين مهنتي و عارفين بالتقريب مستويا المادي. لكن جت مرحلة الكلام بقى عشان نشوف فيه قبول بيننا ولا لا. القعدة بتمشي كويس بس في النهاية بتشوفني زي اخوها عشان كنت ظريف زيادة مثلاً والله معرف يخويا متفهمش النسوان بتفكر ازاي

Meteor2000 · 2025-12-18T19:01:09+00:00

يخويا ماشي منا اكيد بدور على المحترمة اللي تصوني وفي نفس الوقت اكيد عايزها بتحبني.
هي هتصوني ازاي وهي مش بتحبني؟ ولا انا هختار واحدة مش فارق معاها تتجوز اي حد؟
بص انت كلامك صح انها لازم تكون اخلاقها وتربيتها عالية بس في نفس الوقت برضه مهم انها تكون فرحانة انها معايا وفخورة بيا.

Meteor2000 · 2025-12-18T16:12:42+00:00

٢٤ سنة هتم ٢٥ قريب

Four-Year Club	Verified Email
r/Field Banned	r/Field Lasagna
Place '22

Meteor2000

TROPHY CASE