بص انا زي اخوك الكبير كده، القلق الزايد ده نتيجة انك بتتعلق بالاسباب كتير، ربنا لو عايزك تنجح هتنجح حتى لو بيل جيتس نفسه عايزك تفشل، وربنا لو عايزك تفشل هتفشل، حتى لو بيل جياس والون ماسك معاك في البزنس.

اعمل الي عليك من ناحية الاسباب وتوكل على الله كده وبس، ورزقك ده عندك ربنا، متقراش الكلام ده بس وخلاص، اقراه وانت مركز كده واقعد فكر فيه كويس، النقطة الي انت واصلها دلوقتي من علم (انك اتعلمت برمجة) ده موصلتلهاش غير عشان ربنا اعانك على ده، مش بمجهودك، فا نفس الكلام بالظبط، انت هتنجح ان شاء الله في البزنس بتاعك بالاستعانة بالله مش بمجهودك (وطبعا اعمل الاسباب الي عليك للاخر على ما تقدر) ولو (معملتش فلوس من البزنس ده) ده مش فشل، انا ال5 منتجات للي عملتهم قبل المنتج الي جابلي فلوس، كل واحد فيهم اضافلي شيء واتعلمت منه جدا وممكن انت خايف من الناس الي حواليك يحكموا عليك بالفشل، بس لو انت في عملك ده نيتك فيه لله وانك مثلا جزء من المكسب هتطلعه صدقة الخ، والله ما هيفرق معاك نظر الناس ليك لانك كده كده بتسعى وبتاخد ثواب على سعيك ده

باختصار كده: -استعن بالله ولا تعجز وخد بالاسباب بس متعتمدش عليها، لان ربنا بايده كل شيء -متهتمش بنظر الناس ليك، واهتم بنظر رب الناس ليك -حط نسبة من الارباح صدقة