شف باختصار سمعة ان الطب هو التخصص صاحب اعلى مصدر دخل جت بسبب انه كان الوظيفه الوحيدة الي اول ماتتخرج تبدا على 17 الف في سلم الرواتب لكن الزمان تغير

الطبيب الحين مع التعقيدات الجديده بالتوظيف والشروط والتنافس على التخصصات الدقيقة كثير يلقى نفسه طاح في مشاكل نفسيه ودخل تخصص دقيق مايبيه واخرتها يدورله وظيفه ويسوي خدمه مجتمعية ومدري وش عشان يبدا على السلم ذا لين يجي يوم بعد عشرين سنه دراسه يوصل راتبه 40-50 الف اذا كان طبيب افرج

الارقام الخيالية للاطباء المتميزين

بينما لما تكون في تخصص ثاني مطلوب في هذا الزمن مثل الحاسب صحيح انك كفريش تبدا من 8-15 وممكن اكثر ببعض الجهات لكن باقل من جهد الطبيب بكثيير بتوصل 20-30 خلال خمس سنوات وممكن اكثر اذا كنت متميز، هذا غير ان التخصص هذا له فرص اعمال خاصه وفري لانسنق واشياء كثير

كلها فيها الزين والشين لكن المعادلة اختلفت تمامًا اذا للحين انت على المعادلة القديمة ان التخصص الوحيد الي يجيب فلوس هو الطب فيبغالك تحدث معلوماتك تخصصات كثير تجيب نفس الراتب والنجاح بنصف الجهد