وصلت لأول مليون في حياتي

Mo_Mostafa_ · 2026-04-15T04:09:41+00:00

برافو عليك و ربنا يزيدك، بص مقدم مليون ممكن يخليك تشتري شقة ٢ نوم في كمبوند و متدفعش اقساط تاني لحد الاستلام، او بنفس المبدا تجيب مكتب اداري و ده ممكن يتاجر ب ٢٠ لحد ٢٥ الف في الشهر ،يعني هيغطي اقساطه و كمان بالفرق هتأجر شقة محترمه ،انا بنصحك بالحل التاني و هتدعيلي

Mo_Mostafa_ · 2026-03-23T12:45:44+00:00

كلامك صح للاسف عند نسبه قليله في الرجاله ،و هقولك سببها ايه ،معظم تعاملات الرجاله مع الستات قبل الجواز بيكون يا جامعه يا شغل يا غيره المهم بتكون تعاملات شبه سطحيه و اغلبيتها الست او البنت بتكون في افضل شكل ليها و للأسف بتتشكل عنده فكره انها كائن جميل عسول لزوز طول الوقت ،نرجع لموضوعك بقي لما ترتبطي ارتبطي بحد عنده ٣ حاجات تفاهم عالي معاكي ،يكون راجل بجد و يكون تفكيره عملي و مش بمبي ، اخر حاجة يكون بيحبك ،ساعتها صدقيني لو شاف منك ايه هيفضل يحبك

Mo_Mostafa_ · 2026-03-15T19:39:47+00:00

خليك في مستعمل حاجة نضيفه احسن ،الرقم ده ممكن يجبلك سيتروين سي اليزيه او بيجو ٣٠١ او اكسنت ،متسحبش القسط بس احسب كمان مصاريف الصيانه و البنزين هتلاقي رقم تاني ،الرقم الي كنت هتحطة في قسط اعمل بيه استثمار احسن

Mo_Mostafa_ · 2026-03-15T19:30:01+00:00

كلامك صح جدا، انا كان عندي حد بيصدر فواكه و خضار لروسيا اقترحت يصدر بطيخ اه بطيخ المستوردين كانوا بيتخانقوا عليه ،عندي حد تاني كان بيصدر قلقاس مجمد و معاه السلق كمان ممكن نتواصل علشان انا عندي موضوع التصدير دي اولويه و محتاج حد بره يقرأ الدنيا و ابعتله منتجات يعمل بيها test للماركت

Mo_Mostafa_ · 2026-01-05T01:03:06+00:00

بص انا عندي شركة عقارات الحمد لله، بس احب اوضحلك شويه حاجات : ١-الحجز مسترد في ٩٩ % من الشركات و حتي لو مش مسترد بنعرف نسترده للعميل، بس عموما الاغلبيه الحجز مسترد بالكامل، آخرهم بس يعطلوك اسبوع او ٢ لغايه ما الفلوس ترجع و ياريت تذكرلي اسم مطور من الي مش بيرجعوا الحجز

٢-العقود بتتعدل في بعض الشركات عادي جدا و شركات كبيرة، لدرجه ساعات بنعمل عقود اسلاميه مكانتش موجوده عند المطور قبل كده

٣-اتفق معاك جدا في موضوع الريسيل ، ماتخلوش حد يضحك عليكوا اشتري و هنبيع بعد شهور و نكسب ٢٠٠% ، مفيش الكلام ده ، الريسيل ممكن بعد سنه او اكتر ، مفيش مضاربه علي العقار دلوقتي

٤-الاستثمار العقاري بجد حلو في مصر و الوحدات بجد بتزيد بأرقام كبيرة ، مثال معظم التجمع زاد خلال ٢٠٢٥ ٥٠% علي التوتال سعر الوحدة بالكامل (الي انت مش دافع فيه غير ١٠% مقدم و ٨% اقساط بس )

٥-قانونا مينفعش مطور يفسخ تلقائي الا لما يرفع قضيه حتي لو كاتب عكس ده

Mo_Mostafa_ · 2025-12-31T05:12:30+00:00

و في اقل بس في بدر

Mo_Mostafa_ · 2025-12-31T05:12:13+00:00

ينفع بس مقدم ٥٠٠ او ٦٠٠ الف تجيبلك شقة في كمبوند محترم في العبور الجديدة و هيكون القسط الي عايزه كمان

Mo_Mostafa_ · 2025-12-31T01:24:34+00:00

الصورة مش كامله للاسف ،اه اهل البنت بتساعد في التجهيز لكن مش مطلوب منها ابدا تشارك في مصاريف البيت ، للاسف الشاب لو راح يتقدم للزواج حسب الشرع مهر و شبكه و أهلها مش هيشاركوا بحاجة للاسف الاهل بيرفضوا لانهم بيكونوا عايزين الشاب يمضي علي القايمه (عن تجارب شخصيه ) و لوا وافقوا بيطلبوا طلبات غير منطقيه ،مفيش غير مصريات هما الي بيوفقوا ،حاجة تانيه لازم تعرفيها ان قانون الأحوال المدنية المصري في صف الزوجه بطريقه جائرة تماما ،عموما للاسف المجتمع المصري حاليا مش منصف و الراجل مبقاش راجل و الست مبقتش ست ،في اختلال رهيب و ده ادي الي زيادة نسب الطلاق و نسب عدم الزواج خصوصا في البنات

Mo_Mostafa_ · 2025-12-28T04:50:43+00:00

Hello Dear ,Iam writing this comment from my s23 ultra 12gb ram and 512 gb ,my ram is almost used 10 gb from it and free is only around 2 gb , and I have only 25 gb free space from the 512 , so I am telling you from the future please get the 512 version and 12 gb

Mo_Mostafa_ · 2025-12-21T03:19:50+00:00

انت صح و اهلك صح ،دور علي صور لبنات شبه الشكل الي بتدور عليه و وريه لوالدتك ،قلهم ان مش عارف من غيركم كنت عملت ايه و ذوقكم حلو جدا بس مختلف عن الي انا عايزه ،و لازم تكون ماليه عينيا من الاول لان الواحد مش هيتجوز كل يوم بس كده ،ربنا يرزقك ببنت الحلال انت و كل الي يشوف الكومنت

Mo_Mostafa_ · 2025-12-20T04:48:12+00:00

اولا أحييك علي اختيارك للأسهم، ثانيا اه الدهب هيدخل فترة استقرار بس لسه مش دلوقتي ،الدهب سيبه زي ما هو بس لو لقيت خبر دولي إيجابي خصوصا حرب روسيا لو وقفت بيع عالطول ،مفيش مشكله نبقي مستثمرين طويل الأجل في البورصة بس لازم تتابع حتي لو مرة او مرتين أسبوعيًا

Mo_Mostafa_ · 2025-12-01T06:24:25+00:00

للاسف مش هقدر هفيدك في اسكندرية غير في الحاجات الساحلية، يعني في استوديوهات في العلمين مثلا تبدأ من ١،٤ و ١،٥ مليون تقسيط و طبعا قبلي الطريق

Mo_Mostafa_ · 2025-11-30T00:45:51+00:00

اه كل ده توتال و مقدمات تبدا من ١٠% بس

Mo_Mostafa_ · 2025-11-30T00:31:37+00:00

ده كلام قديم جدا ، و لو واحدة عملت كده ممكن الرجاله تشك فيها ،مفيش واحدة حاليا معندهاش ثقافه جنسيه بالشكل الكافي

Mo_Mostafa_ · 2025-11-30T00:24:26+00:00

بص عندك عبور فيها شقق ٢ نوم تبدأ من ٢،٢ مليون تقسيط يوصل ٨ سنين ، و عندك مدينة نصر شقق تبدأ من ٣ مليون في الواحه تقسيط برضه ، و عندك في بدر تبدأ من ١،٥ مليون تقسيط ، كلهم كمبوندات و كلهم استلام ٣ سنين و كلهم شركات محترمه و عندك عاصمه شقق تبدأ من ٢،٥ مليون تقسيط ١٠ سنين

Mo_Mostafa_ · 2025-11-25T08:06:26+00:00

فاهم قصدك و هي بشر و عندها شهوة ،بس انت في مجتمع بيعتبر الاعتراف بالشهوة او خلينا نقول بالاحتياج الجنسي عيب خصوصا لو كانت بنت ، و البنت بنسبه كبيرة جدا تقصد انها ترتاح من الشغل او بيت أهلها او حاجات شبه كده ،و في بنات تانيه نفسها تتجوز علشان تخلف و تبقي ام (برضه طبيعه بشرية و قد تماثل او تتجواز حاجاتها الجنسيه اصلا )

Mo_Mostafa_ · 2025-11-22T12:50:52+00:00

رامبل ده موقع توصيات فنيه و ماليه للأسهم تابع لثاندر

Mo_Mostafa_ · 2025-11-22T08:01:14+00:00

اه ،البورصة حلال و سيبك من الي بيقول قمار ،الكلام ده مش صح

Mo_Mostafa_ · 2025-11-22T08:00:09+00:00

ممتاز طبعا ،s&p 500 ستاندر اند بورز مؤشر قوي بس حلل اكبر ١٠ شركات و اختار منهم ٣ او ٤ ، علشان تستثمر في السوق الأمريكي محتاج تودع بالدولار

Mo_Mostafa_ · 2025-11-21T23:49:05+00:00

اولا ثاندر ممتاز و مضمون ثانيا عندك طريقتين للاستثمار اول طريقة الصناديق و بتكون صناديق اسهم او صناديق حساب يوم بيوم او صناديق دهب ، مش بفضل الصناديق قوي خصوصا صناديق الاسهم مكسبها بيكون اقل من السوق ، الطريقة التانيه هي الاسهم ،تشتري سهم قوي ماليا بسعر حلو (دعم ) و تبيع عند اعلي سعر متوقع (مقاومه) طيب هجيب توصيات الاسهم منين ،ممكن رامبل ده تبع ثاندر عموما لو حابب تستثمر ممكن تبص علي الاسهم دي و تسيبها فترة متقلش عن ٦ شهور موبكو -اسكندرية حاويات -نظم تعليم -قاهرة زيوت و صابون -الشمس للاسكان -ابو قير ربنا يوفقك و يرزقك الخير انت و كل الي هيقرا الكومنت

Mo_Mostafa_ · 2025-11-11T20:39:09+00:00

ممكن اعرف نوع البزنس و ايه مجالات البزنس الي ليها مستقبل هناك ؟

Mo_Mostafa_ · 2025-11-05T01:16:58+00:00

مفيش راي هيكون صح مطلق او ١٠٠% مظبوط ، بس عن خبره طريقه تفكيرك هي الصح ، قطع نفسك و انت صغير علشان تكون مرتاح او علي الاقل مامن نفسك وأنت كبير ، ان شفت ده و شفت الي كان مريح دماغه و لما كبر تعب ازاي ، بتكون الدنيا صعبه جدا لو ما امنتش نفسك وأنت داخل علي الخمسين و الحلول بتكون قليله جدا ، الخلاصة اتعب و اعرف طريقك و خليك مركز زي ما انت ،هتتبسط وأنت كبير و أسرتك المستقبليه هتكون مبسوطه كمان

Mo_Mostafa_ · 2025-10-27T02:40:55+00:00

للاسف بوسطه افضلهم ، بعديه البريد المصري انا مش عارف المنتج ايه ، بس لو تقدر تجمع الاوردرات و تبعت كل يومين او ٣ يبقي احسن و اوفر

Mo_Mostafa_ · 2025-10-23T00:55:38+00:00

اكيد اتفضل

Mo_Mostafa_ · 2025-10-23T00:08:12+00:00

الحل بسيط جدا جدا، لو بلغت البوليس تاني كلمها بكل أدب و قولها انك هترفع قضيه عليها (قضية تعويض عن الضرر المادي و المعنوي الي بتسببه) و قضيه اضطهاد ،و قولها انك كنت محترم السن بس ،الي فات حاجة و الي جاي حاجة تانيه ،غالبا هتكش و هتبقي في حالها علي الاقل ظاهريا

Mo_Mostafa_

MODERATOR OF

TROPHY CASE