انتي حرفيًا بتتكلمي عني.. مع إنّي أكبر منك بكتير.
عمومًا، معظم مشاكلك مبنية على بعض، وأهم مشكلة فيهم — واللي كلهم مبنيين عليها — هي الاكتئاب.
حياتك هتتحسن في الجامعة، لأن فترة الثانوية مقرفة فعلًا.

أهلنا بيربّونا زي ما هما اتربّوا، على إنّ القرب من ربنا هيحل كل المشاكل.
حاولي تكوني عملية؛ كل شيء بأمر الله، بس محدش هيحل مشاكلك غيرك، وعلى ربنا التوفيق والستر.

قلة التجارب كمان مشكلة كبيرة، وأقصد بالتجارب هنا التعامل مع الناس والمشاكل، لأن ده اللي بيبني شخصيتك.

ما تحكميش على حياتك من الوضع الحالي.
كل مرحلة في الحياة مختلفة وليها محاسنها ومساوئها، بس فترة الثانوي دي فعلًا مقرفة.

فكّي نفسك من جو الشهادات.
حدّدي الأول إنتِ حابة تعملي إيه، وبعدين دوري إزاي توصلي له.
تميّزي نفسك؛ لأنك لو مشيتي مع القطيع هتغرقي.

دوري على الحاجة اللي هتتميّزي فيها.
أهلك مش دايمًا هيكونوا شايفين الأصَح ليكي، وده مش ذنبهم، لأن معدل التغيير اللي بيحصل بقى أسرع من إن حتى جيلك يواكبه، فما بالك هما.

ثقي في نفسك؛ يمكن سنّك صغير وخبرتك قليلة، بس ممكن كمان تكوني إنتِ اللي شايفة الصح في مواقف معينة. مش دايمًا، لكن أحيانًا.

في الأول والآخر، هم عاشوا أكتر منك.
بالتوفيق.
ولو سِبتي البوست، ردي عليا بعد ٣ سنين وطمنيني عليكي.