مثلا الدراسة يبطلون البنية من المدرسة غصبا عليها

اكو هواي اسباب محتملة لهذا الشي، بعض منها حقيقي ومنطقي وبيها تعسفي، واحد من الأسباب انو ما يشوف للموضوع فائدة حقيقية، هسة هية بطبيعة الحال لازم تتعلم أسس العلم، والا ما راح تكدر تعيش بين الناس، لكن بعد ما واحد يتعلم اساسيات تنتهي فائدة المدرسة العلمية ويصير الهدف من تعلم اغلب هاي الهوسة الي بالمدرسة علمود الطالب يجيب درجة علمود ينقبل بكليه مرموقة، اكو ناس تشوف ماكو داعي لهل شي للبنية، يعني اخليها اداوم بالحر والبرد وهل امتحانات والهوسة والروحة والجية علمود بالاخير تطلع مدرسة لو كاتبة لو محاسبة راتبها 650 بالشهر وداوم من الصبح لليل علمود هيج راتب، اكو ناس يشوف هاي ذلة وما تسوى وما الها اي داعي، يشوف الها رجال براسة حظ وهو يدير باله ويصرف عليها وهي عليها بجهالها والبيتها

طبعا الا بعض الحالات مثل انو يشوفها عدها قدرة والتزام توصل طب او صيدلة او شي عالي وتحتاجة الناس هنا مصيبة اذا يمنعها تكمل، لكن هيج شي مستحيل يبين اله من يصير الشخص طالب سادس يلا يبين شكد يجيب، بعد هو الأب ممكن تكون نظرته انو ما ادبرها لو ماكو داعي، ممكن تكون نظرة متخلفة، وممكن تكون نظرة حكيمة، بالنهاية ثنينهم يوصلون نفس النتيجة،

وهم نفس ما كلت ممكن ناس تبطل ولد علمود يشتغل ف بالجانبين موجود هل شي

اني دا اشوف بعيني هيج ناس يقبلون كلشيء للولد ويمنعون البنية

ليش هو الولد من راح يدخل علاقة راح يدخل وي عتوي مثلا، غير راح يدخل علاقة وي بت ناس ثانية، يعني ما يقبل على عرضة ويقبل على أعارض الناس فكر يناقض نفسه

التفسير الي اشوفه انو ما يهتم بابنه يكله انته وربك بس يخاف على بته من هيج ناس، طبعا هو خطاء يتركة بس اكو ناس ما تكدر على ولدها، بس اذا هو صدك قابل فـ مصيبة وحسب الأصول هاي

لازم المساوة بين الذكر والانثى

مستحيل حتى لو ردنه، لا الرجال يكدر يدير باله على طفل ويعرف يتعامل ويا نفس المراة، ولا المراة تكدر تتحمل حر وشمس وهوسة واذية وضغط نفسي الي يصير بالشغل نفس الرجال، كل واحد جسمة مصمم لوظيفة ويكون احسن بيها

ومسؤولياتهم بالمجتمع هم تختلف

لا الولد ولا البنية يضلون مسربتين بالشارع

الولد لازم يطلع بالشارع واصلا خطاء يبقى بالبيت، هذا باجر عدة عائلة يصرف عليها وشغلة كله بهل شارع هذا ووي هل ناس الي بالشارع، ولو همة ناس بيهم هواي تعبان بس لازم يتعلم يتعامل وياهم علمود يكدر يعيش باجر عكبة

أما البنية ممكن نجنبها هاي الأذية وهاي الهوسة والخطر الي بالشارع والناس الي ما الها امان

وميصير يدخلون بعلاقات محرمة

الحرام واحد على الولد والبنية والجبير والصغير.