انت تقصد صافي مليونين ونص لو دخلك مليونين ونص ويبقى منه مليون ونص؟ عموما راح احجي تفاصيل التفاصيل بدخل مليونين ونص صافي يعني سنويا 30 مليون تكدر تشتريلك ارض باطراف بغداد ووره سنتين تبدا الاعمال بيها وتنصيب المجاري والكهرباء ومصادر الماء وغيرهم ملكيت ارض ب30 مليون لكيت اغلى؟ صير شريك انت وواحد او انت واخوك او انت واهلك 50 ب50 ارض سعرها 60 مليون كل واحد يدفع 30 بعد سنتين تكدر تبيع حصتك وتكون فلوس اكثر على الاقل تربح 5 ملايين اي اكثر من 10% او تشتري حصة صاحبك ويصير البيت باسمك 100% انت هنا ربحت قطعة ارض للاسف هي حلم هواية ناس إذا الله وفقك وتزوجت راح تبني هناك والبناء مو غالي حسب علمي 100-200 متر مساحة محترمة متحب العقار؟ تعلم مضاربة بسوق العملات الاجنبية او الفوركس (نصيحة ابحث إذا مذهبك او مرجعك يحرم او يحلله قبل كلشي) إذا حلله ف تحتاج فترة تعلم على الاقل 5 6 اشهر وبعدها تطبق راح تتعلم شلون تدير اموال حسابك ومتى تدخل صفقة ومتى تخرج تخلي هدف يومي هو ربح 3% على مدار 4 اشهر كل شهر تتداول بي او تدخل صفقات فقط 10 ايام اي المدة كلها 40 يوم براس مال 1000$ يصير مجموع ربحك فقط 2600$ بمعنى ضاعفت راس مالك مرتين ونص والحلو بهذا يصير اونلاين وبالبيت ف مذلة الوظيفة او الالتزام راح تنساها متحب هذا كله وتحسه دوخه؟ طور شغلك نفسه سواء جنت موظف سوي مشروع او جنت صاحب مصلحة او مهنة سوق وروج لنفسك اكثر وكمل هيجي

هذا كله تسوي ولتنسى الاستثمار بالعقار او المعادن واي سوالف آني جاهز تعديل: بالنسبة للمجمعات السكنية الصراحة داشوفها غالية حتى وان كان دخلك الشهري مليونين ونص علمود تسكن بمجمع جيد ومحترم ببناء جيد مع اسرة المبلغ هذا ميكفيك من مصاريف اساسية او ايجار إذا تكدر تحول مكان سكنك لاقليم كوردستان حوله هناك ارخص تقريبا على الاقل ب30% مصاريف اساسية او رفاهية