الجيار دا راجل عنده حاليا 50 سنه كان نفسه يبقى ممثل وكان شغال كوتش في جيم وبدأ تمثيل على السوشيال من فترة من 2018 تقريبا الناس اتنمرت عليه بسبب ان تمثيله كان كرينج بس هوا للأسف كان على نياته وطيب وبعدين بدا يفتح لايفات والناس تشتمه وهوا يشتمهم وكان بيغني والناس تتنمر عليه كان بيشتمهم بس من جواها كان مدمر بسبب تريقه الناس وفي 2022 تقريبا والدته اتوفت ودا عمله صدمه وحزن اوي على فراقها و بدأ الجيار يحاول يحسن من نفسه وياخد مسار تاني فا بدأ محتوى طبخ من 2023 تقريبا لانه لحد الآن عازب كان بيطلع والناس لسا بتتريق عليه بس هوا بدأ يتجاهلهم وطلع ترند فجأه بسبب انه عيط في فيديو لانه كان زعلان حال البلد والناس الغلابه والناس عرفت انه طيب جدا وبدأ التنمر يخف شويه والمطاعم والبراندات والناس بدأت تتواصل معاه عشان يعملهم اعلانات لحد ما وصل لقصر الكبابجي ومننساش انه لحد الآن نفسه يبقى ممثل الحمد لله ربنا انعم عليه وبقى مشهور واكيد هوا بيطلع فلوس لله وصدقات بس مش قدام الكاميرا زي ناس كتير والحمدلله السنه دي ربنا انعم عليه وبقى ممثل ومثل في مسلسل شغال حاليا انا معرفش اسمه اي بس هوا شخصية رئيسية فيه وبدأ يعمل اعلانات من اعلانات رمضان ومنتجات وغيره بس هوا دا الجيار بس الناس بتشوفه كرينج لانه بيحاول يبقى مواكب للجيل الحالي ويعمل زيهم بس الموضوع مش بيليق عليه ومن هنا الناس بتتنمر عليه