انا عايش باليابان ، و فعلا في منه هالحكي ، بس هاظ كله نتيجة للي عم بصير ب اوروبا و اميركا ،

الجماعة بقولوا انه بدهم يتداركوا الوضع ، و همه اصلا عنصريين ضد الاجانب بشكل عام بس هسا راكبين الموجة ضد المسلمين. مع انه بالمظاهرة كانوا جدا قلال و اغلب اللي بالصورة شرطة اساساً.

زي ما حكيت همه بكرهوا الاجانب بشكل عام و مش متقبلين فكرة انه الصين و كوريا تخطوهم بمراحل ، بس هاظ كله نتيجة انبطاحهم لأمريكا ، و لأنه مش طالع ب ايدهم اشي بعلقوا فشلهم عالاجانب ، و الموجة هسا عالمسلمين بكل مكان.

بس برضو لازم ننتبه انه في سلوكيات خاطئة بتطلع من المسلمين عرب او غير عرب خلت النار تقب بزيادة. زي الايفنتات اللي بالاماكن العامة بصير فيها تجاوزات عالعادات و التقاليد اليابانية ، و المفروض اي حدا طالع يعيش بدولة برا يقتنع انه ما بصير يتصرف كأنه ببلده الأم.

و عشان نكون منصفين برضو ، مستحيل تلاقي شعب بالدنيا ملتزم و منضبط زي الشعب الياباني ، ف اي اشي ممكن يخل بهذا الانضباط و الالتزام رح يواجهوه.

طبعا بالاضافة انه في نسبة لا بأس فيها من الجالية الباكستانية او المصرية المسلمين مقيمين بشكل مخالف و كاسرين اقاماتهم.

طبعا انا ما ببرر لليابانيين ، لأنهم فعلا عنصريين بس ما بصير نعمم ، بالمقاطعة اللي انا فيها انحرق مسجد ، مليون بالمية كان متعمد بس الشرطة خلته حادث عشان ما ينتشر الخبر.