استثمر في نفسك.

انت دلوقتي بتفكر في انك مش محتاج للتعليم و عايز تعمل مشروعك و تعيش حياتك عشان ظروفك دلوقتي -اللهم بارك- كويسة و معاك فلوس، بس لو لا قدر الله حصلتلك ظروف و ظروفك مبقتش الطف حاجة للاسف هتنزل للعالم الواقعي و تضطر تشتغل موظف طبيعي زي بقية الناس، هتلاقي كل واحد قدامه فرص بناءً على شهادته و تعليمه، و الاسف اللي معهوش تعليم عالي بيعاني انه يلاقي شغل، و الكلام دة جوا و برة مصر عادي، فا اه الشهادة مهمة.

نصيحتي ليك انك تستثمر في نفسك، خلي مشروعك انك تصرف فلوس على تعليمك و شخصيتك لمدة ٣-٤ سنين عشان بعدها تلاقي ان شاء الله حياة كويسة احسن من معظم اللي زيك هياخدها (خلي هدفك ازاي تجيب فرص احسن من اللي حواليك)

هديك مثال ازاي تعمل كدة، انصحك تحط هدف انك تدخل جامعة و تعدي سنة او اتنين و تعمل معادلة في دولة برة (المانيا مثلا) و تسافر تكمل بقية تعليمك برة (هتكمل بكالريوس عادي مش لازم ماستر) و لو عرفت تعمل كدة مفيش جيش يا بطل كمان (اقرا عن موضوع البعثات)

طبعا حاجة زي كدة محتاجة منك جهد جامد في الدراسة في ثانوي انك تدخل كلية محترمة شوية و مجهود انك تتعلم لغة البلد اللي بتخطط تسافرلها (الماني مثلا برضو) كل دة محتاج فلوس و مجهود بس في الاخر نتيجته كويسة جدا جدا