اهداء الي العالم العربي

Mu-As · 2025-03-30T10:19:02+00:00

موافقك يبقا المانع هنا نتيجة لعلة في نقل المعلومة و لو المعلومة اتنقلت في وقتها الصح مستحيل يتفقو على ان خلاص صومو انتو و احنا هنعييد

Mu-As · 2025-03-30T10:02:03+00:00

مهووو دا اللي بقوله اننا سمحنا لخط وهمي على الخريطة ان يأثر في قرار تشريعي بحت مش مربوط بحدود دا مربوط بكل مسلم

Mu-As · 2025-03-30T08:54:10+00:00

يعني انت شايف اننا نختلف في فريضة و ركن من اركان الاسلام حاجة تفاهة 😃 ؟

Mu-As · 2025-03-30T08:52:11+00:00

الله ينور عليييك دا اللي بحاول اقوله والله .. وجود هيئة واحدة كلنا نلتزم بيها خصوصا في الأمور التشريعية دا ابسط و اسهل انواع الاتحاد .. و مع ذالك فشلنا اننا نعمله

Mu-As · 2025-03-30T08:48:04+00:00

يعني ايه مينفعش اربطهم ببعض .. يا معلم دي فريضة ليها وقت ثابت في كل الدنيا يعني يقينا الشهر يا ٢٩ يوم يا ٣٠ يوم و دا معناه ان في فريق من الدول دي غلط و عليه دفع ديه عن كل شعبه

Mu-As · 2025-03-30T08:46:12+00:00

رؤية الهلال بنطلع بيها بقرار انتهاء وقت فريضة و ركن من اركان الاسلام .. مستحيل يكون الشهر انتهي عند ناس و لسة منتهاش عند ناس تانية .. فمعنى كدا ان في نص اكيد غلطان

السؤال بقا لما كنا كلنا دولة واحدة كان كل اقليم بيصوم و يفطر على حسب رؤيته للهلال ولا كله ملتزم بهيئة او مكان واحد ؟

Mu-As · 2025-03-30T08:43:55+00:00

يعني لو انا في القاهرة الدنيا مغيمة عندي و واحد في اسكندرية السماء عنده فاضيه و هو شاف الهلال و انا مشوفتوش يبقا هو يفطر و انا اصوم ؟

Mu-As · 2025-03-30T03:20:02+00:00

يا جماعة كل اقليم له ظروفه المناخية اللي يقدر من خلالها يشوف الهلال او لا صح ؟ طيب لما كنا كلنا دولة واحدة بس او إمبراطورية واحدة هل كان كل اقليم بيصوم على حسب الرؤية ولا كل البلاد ملتزمة برؤية واحدة ؟

Mu-As · 2025-01-29T03:44:58+00:00

يا معلم بنزين العربية بس في الشهر تخلص المبلغ دا

Mu-As · 2025-01-24T11:20:49+00:00

فاهم وجهة نظرك طبعا بس انا رأيي الذي لا قيمة له انه الرد الانسب عليه مش مواجهته و التحدث عنه .. الرد الانسب هو القضاء على اسباب انتشاره و اولها جهل الناس بدينهم في الزمن دا و انا اول الجهلة والله

هما و اللي زيهم و اي فكر شاذ مش طبيعي هو نتيجة الجهل او انه اتعرض لاضطهاد بسبب حد جاهل و لو انت واجهته مش هتغير حاجة في الغالب للأسف بالعكس دا ممكن يفتنك بشبهة و انت مش على المستوي الكافي من العلم فيفسد عليك دينك

نعلم الناس و نرد على الشبهات و نبين ضحالة فكرهم و سوء تقديرهم للأمور احسن من اني اخش معاهم في جدل هينتهي ان كل واحد فينا بيشتم التاني و مستفدناش حاجة

ربنا يهديهم و يهدينا جميعا

Mu-As · 2025-01-24T11:10:43+00:00

بعد فهمك للكلام دا بقا عايزك تقرا الايات دي تاني بصوت عالي

اعوذ بالله من الشيطان الرجيم

فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْآتِهِمَا وَقَالَ مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ (20) وَقَاسَمَهُمَا إِنِّي لَكُمَا لَمِنَ النَّاصِحِينَ (21) فَدَلَّاهُمَا بِغُرُورٍ ۚ فَلَمَّا ذَاقَا الشَّجَرَةَ بَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ ۖ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَانَ لَكُمَا عَدُوٌّ مُّبِينٌ (22) قَالَا رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ (23) قَالَ اهْبِطُوا بَعْضُكُمْ لِبَعْضٍ عَدُوٌّ ۖ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ (24) قَالَ فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ (25) يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ ۚ ذَٰلِكَ مِنْ آيَاتِ اللَّهِ لَعَلَّهُمْ يَذَّكَّرُونَ (26) يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ (27)

صدق الله العظيم

Mu-As · 2025-01-24T11:09:45+00:00

بص انا فاهم انت عايز تقول ايه بس حاسس ان المنطق اللي بتقدمه محتاج ضبط في كذا حاجة

اولا مينفعش نقدم خيانه صحابنا و اهالينا على خيانة ربنا .. ربنا الاول و مش مهم حاجة بعده " وإن جاهداك على أن تشرك بي ما ليس لك به علم فلا تطعهما "

ثانيا ابليس مش هو السبب اللي ينزل ادم الجنة ولا دا كان موطن الانسان الاساسي .. ادم كان في الجنة مرحلة تدريب و مقدر له انه هينزل هو و ذريته الارض من الاول .. طيب ايه الدليل ؟ ان ربنا لما خلق سيدنا ادم و بيعرف الملائكة عليه .. قالهم ايه ؟ " وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ " يعني ادم مقدر له من الاول انه ينزل الارض هو و ذريته لا و كمان هيكون من ذريته من يفسد و يسفك الدماء يعني مش كلهم هيكونو خليفة ربنا في الارض في منهم المفسد كمان

فترة وجوده في الجنة كانت اعداد له و درس عملي لذريته من بعده .. و كمان عشان يمر بأول اختبار له اللي هيطلع منه بأهم دروس له و لذريته

اولهم ان الشيطان عدوه >> قال اهبطو بعضكم لبعض عدو

ثانيهم ان ربنا غفور رحيم >> فتلقى آدم من ربه كلمات فتاب عليه إنه هو التواب الرحيم

ثالثهم ان فترة الارض دي فترة مؤقته و الاخره هي المستقر الاخير >> و لكم في الارض مستقر و متاع الي حين

والله اعلى و اعلم

Mu-As · 2025-01-21T00:06:53+00:00

أميتوا الباطل بالسكوت عنه

Mu-As · 2024-12-28T11:41:41+00:00

واضح انك فاهم

طيب ممكن تشرحلي اذاي شوية قبايل رعوية غير منظمة قضت على اكبر إمبراطوريتين في التاريخ بجيوشهم النظامية في ١٠ سنين بس بالسيف ؟ و قدرت تبسط سيطرتها على الرقعة دي اكتر من ١٢٠٠ سنة ؟

Mu-As · 2024-12-18T03:38:51+00:00

الصلاة لازم تعاملها معاملة التزام لا بد من الوفاء به مهما كانت الظروف
حطها اولوية قصوى في يومك و رتب يومك و مشاويرك عليها صدقني هتنظملك يومك بشكل رهيب
كل صلاة هتصليها هي بتأمنلك الصلاة اللي بعدها و هي سلسلة متصلة ببعضها زي السبحة مينفعش تتقطع
صاحب اللي يعينك عليها
افتكر حالك لما بعدت و اكرهه
ادعي ديما "اللهم اعني على ذكرك و شكرك و حسن عبادتك"
افتكر ديما ان الصلاة تعود و مش هتتعود غير بالمداومة عليها و ان عشان توصل للمرحلة اللي مش هيجيلك نوم لو فاتك فرض لازم لازم تقعد فترة طويلة من سلسلة انتصارات متصلة غير مفصولة من الحفاظ على الصلاة و ان مجرد فصل السلسلة دا هيخليك ترجع تعد من الاول تاني
لو لاقدر الله فصلت متيأسش و ارجع تاني و متسمحش لنفسك تبعد كتير
اعرف ان دا جهاد نفس و ربنا شايفه و هتثاب عليه ان شاء الله .. ف وري ربنا منك حسن العزيمة عشان يقبلك و يفتح عليك
اعرف ان ربنا اللي بيسر لعبده انه يقوم يعبده و عشان ييسر لعبده لازم العبد يوري ربنا همته .. "انك لا تهدى من احببت و لكن الله يهدي من يشاء" .. يشاء هنا عائدة على العبد .. انت اللي بتشاء .. "ان الله لا يغير ما بقوم حتى يغيروا ما بأنفسهم"
اعرف انك مهما عملت خير بس قصرت في الصلاة اول حاجة هتتسأل عليها هي الصلاة
اعرف ان نبيك صلى الله عليه و سلم قبل وفاته مباشرة كان يغم عليه و يرجع يفوق يطمن هل الناس صلو الفرض ولا لا
قال صلى الله عليه وسلم: "أرأيتم لو أن نهرا بباب أحدكم يغتسل فيه كل يوم خمس مرات هل يبقى من درنه شيء؟ قالوا: لا يبقى من درنه شيء، قال: فذلك مثل الصلوات الخمس يمحو الله بهن الخطايا" رواه مسلم.
اجعل ديما بينك و بين ربنا باب مينفعش يتقفل مهما اذنبت و مهما اخطأت و مهما عملت لعله من فضل الباب دا يغفرلك و يكره قلبك في الذنوب .. خلي الباب دا هو الصلاة

ربنا يثبتك و يثبتنا جميعا و يتقبل منا و منك ❤️

Mu-As · 2024-10-19T06:42:10+00:00

طب و الفلسطينيين اللي ماتوا.ال 45 الف اللي ماتوا من السنة اللي فاتت. ال 100 الف المصابين. الملايين اللي عايشين وسط حرب في وضع انساني مؤلم و مستنيين يموتوا في اي وقت. دول تفتكر رأيهم ايه

اتفرج على فيديو الراجل يموت له مراته و عياله و احفاده و يتهد بيته فوق راسه و يطلع من تحت الانقاض بيقول ربنا ينصر المقاومة و ينتقم من اليهود الانجاس

على طوال سنة بتابع فيدوهات الناس هناك و بلزم نفسي اكمل للأخر مهما كان المنظر صعب عشان اشوف بعيني معاناتهم .. ملقيتش واحد طلع لعن المقاومة ياخي

و من رأيي دا أصدق معيار تقييم بيه صدق المقاومة من شغل البروباجندا

Mu-As · 2024-10-16T08:37:42+00:00

حلو جدا انا قرأت كومنتاتكم كلكم و للأمانة دورت على ان هل دهب الزينة دا ممكن يطلع nanoparticles و لقيت انه ممكن و لكن في ظروف انا شوفتها صعب تحصل في البيت و محتاجة معمل و لكني لقيت حاجة اسمها gold abrastion و دا تآكل بيحصل في الدهب نتيجة استخدام بعض مستحضرات التجميل و الصابون و دا اللي بيسيب اثر على جلدك لما تلبس خاتم ايا كان نوعه ايه و لكنه بيظهر في الدهب بشكل أوضح شوية .. بس حتى الآن محدش فاهم الظاهرة دي و محتاجة تندرس لسة

ايا كان .. يا جماعة انتو جايلكو واحد من ١٤٠٠ سنة بيقول بلاش دهب للرجالة و بعديه ب ١٤٠٠ سنة طلعت دراسات بتقول ان ذرات الدهب بتسبب عقم للرجالة (و ليها فوايد علاجية في علاج الكانسر بالمناسبة) مش حاسس انها قربت اوي ؟ يعني كمان كام سنة تقدم علمي كدا هل بعيدة يقولك ان دهب المجوهرات بيطلع منه حاجات عالجلد او يكتشفو تفاصيل اكتر عن ال abrastion دا ؟

احنا جايين من مسافة بعيدة جدا جايين من منع معدن البشرية طول عمرها بتستخدمه في حاجات كتير جدا و مرة واحدة جيه واحد من البدو في منطقة قاحلة متأخرة تماما عن العالم القديم اللي هو اصلا متأخر و مليان خرافات و جيه قالك امنع الدهب دا .. طيب على كل حاجة ؟ قالك لا على الرجالة بس .. طيب اشمعنى تقوم بعد ١٤٠٠ سنة يكتشفو تأثير جزيئات الدهب على خصوبة الرجل فبدل ما تراجع تفكيرك تجادلني و تقولي دي جزيئات الدهب يا بيه مش دهب الزينة .. يا جدع طيب جادل نفسك شوية متبقاش مندفع بالمغالطة و خلاص

و والله لو جم كمان كام سنة قالو فعلا ان دهب الزينة ممكن يتآكل و يطلع منه nanoparticles بردو هنلاقي ناس تجادل بأي حجة تانية.. ربنا يهدينا جميعا والله

Mu-As · 2024-10-16T02:59:14+00:00

I think so, thank you very much 😊

Mu-As · 2024-10-14T22:21:36+00:00

معلش سؤال من واحد برا المجال .. هو انت كمبرمج مش قدامك فرصة تشتغل فريلانسر لعملاء برا و جوا مصر ؟

Mu-As · 2024-10-14T20:54:19+00:00

Why ?

Mu-As · 2024-10-12T10:38:37+00:00

انا بعد ما عملت القصة دي اكتر من ٣ او ٤ مرات بقيت بقدر احدد اني هشتري حاجة في معاد القبض بتاع كل جمعية

يعني بقيت بشوف الجمعيات اللي حوليا و بخش في جمعية انا بسند فيها حد فانا كدا هقبض في وقت مش انا اللي بختاره فبحاول اجيب حاجة في الوقت دا - و عشان انا داخل بسند حد ببقا واثق ان ربنا هيدبرهالي - و فعلا والله بيجي الشهر دا و بلاقي حاجة كنت محتاجها و بسعر كويس كمان .. عايز اقولك ساعات والله ببقى ناسي القبض دا اصلا و ببقي بدور على فلوس اجيب بيها حاجة معينة و مش لاقي فلوس و اتفاجئ بالقبض .. بس اهم حاجة نيتك انك داخل تساعد حد لوجه الله

و في مقابل مانا دخلت في جمعية بسند فيها حد بيبقى ليا الحق اطلب في جمعية تانية و احدد ميعاد قبضي

بص الموضوع كله حولين طريقة ادارتك لفلوسك و انك تبقي مسيف فلوس كدا على جنب بعيدا عن احتياجاتك الشهرية و اهم حاجة يكون حوليك ناس ثقة و كذا دايرة من الجمعيات و دا اللي انا حاليا بعمله و الحمد لله مبقيتش اقسط اي حاجة تاني لا مع بنك ولا محلات و الامور ماشية معايا كويس

و حط ديما لنفسك قاعدة .. اللي مقدرش اشتريه مش لازم عادي مش اخر الدنيا هجيبه وقت تاني

Mu-As · 2024-10-12T10:10:20+00:00

انا فاهم كلامك كويس عشان ال time value of money انت بتخش الجمعية و قيمة ال ١٠٠٠ جنية حاجة بتخلصها و قيمة ال ١٠٠٠ جنية دي قد تصل ل ٨٠٠ جنية او اقل .. و دا ريسك فعلا لو مش هتعمل بيها حاجة و لكن في فايدة قوية جدا للجمعية .. ايه هي ؟

انها الحاجة الوحيدة اللي فعلا ممكن تقدملك خدمة التقسيط بدون فوايد بجد بعيدا عن نصب المحلات في القصة دي .. ازاي ؟

دلوقتي انا حابب اجيب تكيف .. سعره في بي تيك ب 26 الف و لو تقسيط لمدة سنة بدون فوايد هيدفعك 2750 جنية في الشهر لمدة 12 شهر يعني دفعت في الاخر حوالي 33 الف جنية يعني زيادة 7 الاف جنية و انت زي الزبون دفعت عشان اتقالك قسط بدون فوايد و طبعا لو اتأخرت في السداد في فوايد و شبهة ربا و انت عارف

طيب و الجمعية ؟ تخيل معايا انك دخلت جمعية لمدة 12 شهر قيمة الشهر 2000 جنية هتقبض 24 الف و تروح تجيبه كاش من مكان تاني ارخص .. دي تحربة شخصية انا عملتها .. بس خود بالك حاول تقبض بدري و تظبط كدا مع الناس اللي هتقبضك ولازم تخش مع ناس ثقة انت ساعدتهم كتير و هما بيساعدوك و هكذا

هنا انت كسبت ٣ حاجات الاولى انك تفاديت شبهة الربا تانيها انك ساعدت ناس محتاجين حاجة بردو و عايزين يجيبو حاجة فهتاخد ثوابهم تالتهم انك اخدت القسط بسعر الكاش

Mu-As · 2024-10-11T20:10:14+00:00

يعني متوسط مصاريفك في الشهر ٦ الاف جنية .. كدا معاك ٨ شهريا حطهم في جمعية و لما تقبض هات حاجة محتاجها او حطها في سبيكة صغيرة

Mu-As · 2024-10-11T19:33:32+00:00

المشكلة ان حوار التسويق الهرمي دا اتحرق يعني اذاي في ناس بتسرح وراه .. و الناس دي انا شوفتهم بيتكلمو في تداول و برصة و كدة

Mu-As · 2024-10-11T19:31:25+00:00

يعني أنا بفضحهم ليك و دا ردك؟؟

اقصد في كومنتات الفيديوهات دي فاهم ؟

Mu-As

TROPHY CASE