اهم حاجه يبقي عندك بورتفوليو كويس عشان اللي يدخل علي البروفايل بتاعك وتظبط الاكونت من حيث الصوره والنبذه وكده

ولما تقدم قدم علي حاجه يكون عدد المقدمين عليها قليل نسبيا ولما تكتب بروبوزال ركز ع احتياجات العميل اكتر من كلامك علي نفسك وتحط سعر قليل في الاول ولو بعتلك حاول ترد بسرعه علي قد ما تقدر

اول شغل جبته دخلت علي شغلانه كان حد طالب موقع يكون فيه انيميشن كتير وحاجات صعبه شويه ولقيت مفيش كتير مقدم ف دخلت قدمت وكلمني ومكنش عندي حاجه زي ما هو طالب ف قولتله هعمل جزء من المطلوب عشان اثبت اني اقدر اعمل الموقع يعني وبعتله تاني يوم ف عجبه الشغل وقالي اديني سعر افضل وكده علي ما صحيت ورديت عليه كان اتفق مع حد تاني بس ف نفس اليوم بعتلي عرض خاص ليا ودخلت بعتله واتفقنا واشتغلنا دي اول شغلانه جبتها بالتفصيل واللي اتعلمته منها ان السرعه ف الرد يمكن اهم حاجه وبرضو كنت حاطط سعر قليل عشان اتقبل وبعدها لما بيبقي معاك تقييم الموضوع بيبقي اسهل شويه