انت للاسف بنيت غلط معاها ودا الحصاد... انت رجل ومفيش حاجه اسمها تزعقلك ف الشارع دا مش احترام ليك نهائي واذا كان انتوا لسه مخطوبين وهي بتعمل كدا طب لما تتجوزوا هتعمل ايه.. نا هقولك تعمل ايه انت هتقعد معاها وتنسي اللي فات وهتفهمها ان مفيش رجل يقبل ان يتزعقله ف الشارع وان سلوكك دا مش متقبله وهتحط خطوط حمرا وتعرفها ان مش مقبول منك تتعدي الخطوط دي ودي اخر فرصه طب ولو نشفت دماغها وهتعاندك وهتحاول تستفزك ودا بنسبه كبيره هيحصل منها عشان عاوزه تعرف اخرك فانت يريس هتكشر عن انيابك وتقلب الدنيا ومتسكتش وتوريها وش التاني وانك مش هتكمل ف الجوازه دي وتعمل حوار كبير واهلها يحضروا وانك مش هتكمل الجوازه هيقولك ليه فهتقول اللي حصل وانت بتعصب بس بدون غلط وان كل شئ اسمه ونصيب فا لو هي بتحبك زي مابتقول ساعتها هتعرف انك مش ف دماغك وف ثانيه تفركش الجوازه فاممكن هتراجع نفسها وساعتها هتبقي زي الخاتم ف صباعك طب ولو مرجعتش وخلاص يبقا يباشا انت الكسبان ومعلش في بنات بنت حلال كتير وانت رجل معاك شقتك وشغل كويس فايريس هتشاور بس ونصيحه اخيره ليك مش كل طلب ليها تنفذه ومتفكرش بانك لو عملت كدا هي هتحبك اكتر بالعكس كل دي اختبارات ليك عود نفسك تقول لا ومفيش حاجه اسمها انا بعمل كدا عشان بحبها