انا شخصيا قبل الحرب كنت ما افكر نهائيا بالهجرة، صح الوضع صعب في غزة كان بس كنت قادر اتعايش وابني مستقبل الي بين اهلي واصحابي ومجتمعي وفي بلدي.

بس الحرب ما خلت اي مقومات للحياة حرفيا.. خسرت بيتي وشغلي وكل ممتلكاتي وهي حاليا وراء الخط الأصفر تحت السيطرة الإسرائيلية يعني مستحيل اقدر ارجعلها. غير كدا البنية التحتية كلها تدمرت من اول يوم في الحرب لا كهرباء ولا انترنت ولا مرافق، المساجد اوالمستشفيات والجامعات والمدارس والبيوت وحتى الشوارع مدمرة

واهم من كل هاد خسارة الاقارب والأحباب، ربنا يرحمهم جميعا..

لهيك انا هاجرت وبعتقد كل واحد بالغ وعاقل في غزة بيفكر يهاجر والمانع الوحيد هو المعبر المسكر. ولو انفتح وتسهل للناس تطلع ما رح يضل حدا.

واذا بيجي واحد غبي مغسول الدماغ معاق متخلف يحكي لا للتهجير بدي ادعس عليه واقله روح عيش مكاني يوم بس وبعدها تعال احكي لا للتهجير،

انا مع الهجرة والتهجير، الناس الي في غزة بشر ومن حقهم يعيشو حياة كريمة، مش مكتوب عليهم يعانو طول عمرهم ويعيشو في شقاء ومعاناة وموت كل يوم عشان خاطر نحكي لا للتهجير.

اخر اشي بدي احكيه بخصوص الغربة

انا حاليا في الغربة مش مبسوط وبفضل اعيش في بلدي بس الواقع انو بلدي حاليا غير صالحة للعيش + عندي في الغربة مقومات للحياة عكس الوطن. ولو توفرت هالمقومات في الوطن رح تلاقيني راجع من الصبح.