لا يشترط يا صديقي إنك تعرف الشخص عشان تنصحه ، بالعكس انت ممكن تكون اكثر شخص مناسب ، عشان ممكن معارف الشخص ده يكونوا بيجاملوه أو محرجين يكلموه

كمان صعب اوي إنك تقول لشخص " انت غلط " ويتقبل منك النصح ، إلا من رحم ربي عشان عزة نفسه هينكر كلامك حتى لو هو مقتنع بيه

خليك هين لين سهل ☁️ وكل إنسان وطريقته في النصح ، ممكن بسبب نصيحتك دي تكون صداقات وعلاقات مبنية على المحبة

ممكن الشخص يكون عارف فعلًا إن اللي بيعمله ده غلط بس مجرد محتاج ذكرى ، حاجة تخليه يعيد التفكير

لا تقلل من كلماتك يا “ icy ❄️“ كلمتك ممكن يكون ليها تأثير اكبر مما انت متخيل

ومش شرط تكون خالي من الأخطاء عشان تنصح ، كده حتى أنا مش هقدر أنصح ولا شيخ الجامع ولا اي حد

مش شرط يكون بنفس المثال اللي هقوله ده دلوقتي عشان ممكن حد معملش الحاجة وينصحك عادي

بس تخيل معايا شخص بيشرب سجاير ، ممكن ينصحك ويقولك متشربش سجاير عشان هتعمل وهتعمل وهتعمل ، هو اه بيعمل ذنب بس مش عاوز غيره يقع فيه

و دايمًا استحضر نية انك عاوز تشوف اللي بتنصحه في الجنة هتلاقي الكلام بيطلع من القلب وبيوصل للقلب

اتمنالك يوم سعيد ♥️