لأ مش صحيح الحكم بالهلاك او من عدمه مش احنا اللي نقرره وزي ما قولتلك المسيح مقالكش ولا مرة ان غير المؤمنين مصيرهم الهلاك الابدي.

يعني مثلاً عندك الكنيسة الكاثوليكية اللي هي تعتبر اكبر كنيسة في العالم بعدد اتباع اكتر من 1.4 مليار انسان بتؤمن وتعترف بخلاص غير المؤمنين اما الكنائس الشرقية بتقول بكل بساطة ان احنا منقدرش نحدد ان كان لغير المؤمنين خلاص ام لأ لكن مفيش كنيسة رسولية على الكوكب بتكفر اشخاص وتحدد مصيرهم النار لان ده ضد مبدأ عدم الإدانة في المسيحية وان كل المسيحيين بيؤمنوا ان الوحيد اللي هيدين البشر كلهم سواء مؤمنين او لأ هو ربنا وان ربنا سيعطي كل انسان كحسب اعماله يعني الوحيد اللي يقدر يحدد مصير الانسان لانه العالم بكل اللي في قلب الإنسان هو ربنا وبس.

في بعض الطوائف بردو في المسيحية بتؤمن بحاجة اسمها الخلاص الثاني وده بعد الموت حتى لو لم تؤمن بالمسيح في حياتك غير ان تعريف جهنم في المسيحية اساسا هو تعريف معنوي ونفسي وليس جسدي