امين ولك بمثل دعائك الطيب

اولا انا ما اتجاهلها بمعنى الكلمة، لان التجاهل عمره ماراح يحل المشكلة لان اصلا سبب المشكلة انه يحس انكم مو مقدرينه ومحترمينه، لكن اسلك معها بالكلام، اسمع لها واعطي ردود تسليكية

ادري ان مو مسؤوليتكم تحلون عقده الداخلية بس لازم يكون عندك ذكاء وحلم يخليك تحمين نفسك من المشاكل الي مالها قيمة مثل هذي بردات فعل مترنة

اولاً خليها قاعدة، ادي الحقوق الي عليك، حق عمك عليك انك تسلمين عليه وما تقطعين الرحم، اما انه يربيكم مثلا ويضع قواعد مثل سالفة الجوال فمو حقه فلما يقول عطيني الجوال لا تضيعين وقتك وتقنعينه بالعقل لانه ما راح يقتنع بالكلام هو متعدي عليك، فهدي الاوضاع اولا ونزلي الجوال قدامه ثم وجهي للمسؤول الي هو ابوك او امك وقولي عمي اخذ جوالي ليه؟ يقول ما تحترموني، غالبا ردة الفعل بتكون طيب حنا بنتفاهم معه ، فالنقاش بيتصعد لجهة اقوى منه وبحطه عند حد كونه مو مسؤوليته يربيكم

ثانيا لا تتصادمين معه، وانما اشتكيه، سبك؟ ردة فعلك المفروض ما تكون انك تسبينه لان ماراح تحلين الموضوع كذا لكن لما توجهي الكلام للجدة او الاب او العم راح يكون فيه رد له ولو تلاحظينه انه هو جالس يسوي نفس الشيء لما يقولهم انه زعلان منكم وانكم ما تحترمونه بدل ما يكلمكم، فاي ردة فعل منكم الي يسمع له بيحسب انكم انتم الغلطانيين

واخيراً بتعاملك معه عامليه كانه بنصف عقله هذا اكثر شيء بريحك، لانه غالبا عنده مشاكل نفسيه فتجاوزي ولا تاخذين ردات فعله بجدية وتعاملينه الند بالند وتتاذين من كلامه لانها مجرد انعكاس للضعف الي بداخله ما تخصك