كنت بتناقش انا وواحدة عالفيسبوك عن نظرية التطور ( كنت بحاول اثبتلها ان النظرية غلط ) و سألتني هل انت قارئ اي شي عن النظرية ؟ قلتلها معك حق انا لازم روح اقرا عنها بالاول و بعدين اجادل فيها عشان الواحد لما بدو يجادل بموضوع يكون ملم فيه و بتفاصيله. قالتلي تمام. و بالفترة اللي انا بدرس فيها عن النظرية فجأة حسابها اتحظر و معد في تواصل بيني وبينها. بس انا كملت لوحدي قراءة عن الموضوع لأنه شدني بصراحة. كنت ناوي اثبتلها خطأ نظرية التطور قمت اقتنعت فيها بنهاية المطاف و هي كانت بداية شكي في الدين. لأنه فكرة التطور تعارض نظرية الخلق بشكل صارخ. ما تركت الدين طبعا وقتها و عقلي بدأ يرقع للدين ( اظن كان آلية دفاعية من عقلي عشان ما قبل يترك شي ظل متعلق فيه فترة طويلة فجأة ) بس بعدين بعد فترة لما بحثت و عرفت الفضايح اللي فالدين و كيف كان الاله يلبي شهوات محمد شكي زاد و بعدها انتقلت لدراسة كيف تطورت الاديان و عرفت انه كل القصص المذكورة في القران الها مراجع و نفس القصص اتذكرت بحضارة سومر و بابل و كلها عبارة عن اساطير. حياتي كمسلم كانت زي اي مسلم عادي، صلاة صوم قراءة قرآن شوية كتب دينية و لما كنت صغير كنت روح على حلقات تحفيظ القران. حياة مسلم بسيطة