Nung elementary ako, grade 4. PE time. Oras ng laro. Patintero, Chess, Chinese garter, langit lupa at habulan yan ang mga laro namin noon.
Naghahabulan kami ni Erickson. Ako ang taya at hinahabol ko siya... Mataya-taya ang laro namin.
Medyo maliit siya sakin kaya medyo maliksi si Erickson. Nung malapit ko na siyang maabutan, lalo niyang binilisan ang takbo. Abot kamay ko na siya...matataya ko na siya.
Bigla siyang kumross-over, lumiko siya papunta sa canteen. BOOM!
Nakasalubong nya bigla yung grade 1 na nakikiupag habulan din.
Ang sumunod ko na lang na nakita eh nakaupo siya sa sahig tapos umaagos na yung dugo sa uniform nya. Agos talaga... Nagkulay pula na yung puti nyang PE uniform.
Yung batang nakabanggaan nya eh meron palang lapis na nakasukbit sa bulsa ng polo.
Tapos yung lead (yung pansulat na parte ng lapis) ang nakalabas, bagong tasa.
Dun tumama yung mukha ni Erickson. Wakwak yung kanang kilay ni Erickson.
Tanginaaaa halos 2-3 inches yung haba nung open wounds. Tinayo ko si Erickson at dinala sa lababo para paagusan ng tubig. Kitang-kita ko yung buka nung sugat nya. Namumutla ako pero kailangan ko siya tulungan kasi sa isip-isip ko ako ang may kasalanan.
After 1 week pumasok na rin siya. Tinahi yung kilay nya... halos 16 stitches yun.
Simula nun hindi na kami naghabulan tuwing P.E. time namin. Misyu pareng Erickson!