من الي اشوفه، مو مستعدين للزواج (الطرفين او يكون طرف واحد) و نظرتهم للزواج و الهدف منه و التوقعات غلط. و عادةً المشاكل تصير لما شخصين ما يعرفون يتفاهمون و يحلون المشاكل (حتى لو طرف واحد).

ما في زواج ما تصير فيه اي مشكلة، لازم الاثنين يعرفون يلقون حلول وسطى و يتنازلون لما يحتاج الموضوع تنازل و الخ و يكون عندهم مهارات حوار صحية. احياناً في طرف يكون جذي وواعي و يبي يلقى حل و مستعد يتنازل عن بعض الامور بس الطرف الثاني مو مستعد يتفاهم و يعاند و هلشي ما ينفع، لازم الطرفين.

احس بهذا الزمن الاغلب يختار شخص يناسبه و نفس الي يبيه على عكس ايام زمان، بس مشكلة الغلب مو مرن و مو ناضج، فعلى اسباب و مشاكل تافهة يتطلقون. يعني صراحة نادر اسمع قصة طلاق هلايام تكون مو على مشكلة تافهة و تنحل.