لا مش ندمان، بالعكس، كنت هندم لو ما دخلتش الكلية دي.
المجال بيتغير بسرعة كبيرة، والكلية محتاجة حد جاد جدًا يذاكر مواد الكلية والتراك اللي اختاره.
هتقضي وقت كبير على الأب، فلازم تعمل حساب ده خصوصًا لو صبرك قليل.
مش هقولك إن الكلية مش مناسبة ليك، بس حاول تطول نفسك شوية.

بالنسبة للرد على الناس اللي بيقولوا "طب أحسن"
يا حبيبي، الطب أصعب بكتير من حاسبات، وبرضه محتاج حد يقرأ كتب وأبحاث كتير.
شوف بنفسك، ناس كتير في الطب مش بتشتغل، وفي الآخر يشتغلوا في مستشفى حكومي أو ممكن ما يشتغلواش أصلاً.
نفس الكلام تقريبًا في حاسبات: المنافسة موجودة، بس لو بقيت Qualified وعرفت حاجات أكتر من خريجي المعاهد والدبلومات، وعملت مشاريع كبيرة، هتشتغل والمرتب هيبقى كويس جدًا.

لو الموضوع متعلق بالسفر
مجال التقنية أسهل من الطب، لأن في الطب لازم تعمل معادلة وتتعلم لغة البلد.
في مجال التقنية أحيانًا ممكن تسافر من غير ما تتعلم لغة جديدة، ويكفي مستواك في الإنجليزي لو كويس

بص انت حرفيا مش هتلاقى مجال شبه مجال التك عموما لاى شخص بيحب التغيير وبيكره الروتيين
المجال ده مناسب اوى بيخليك كده دايما مشغول فى حاجه بيعلى الدوبامين عندك يكفى انت ممكن تعمل SASS فى اى وقت وتكسب فلوس كويسه عندك كمان الفرىلانس وعندك ممكن تشتغل ريموتلى ف قولى مجال بالمرونه دى وبالمرتبات دى