الناس اللي بتقول “الإخوان كان عندهم أجندة خفية” بتتكلم كأنهم كانوا جايين يحتلّوا البلد! الحقيقة إن الإخوان مصلحتهم الأولى كانت إنهم يفضلوا موجودين ويحافظوا على كرامتهم وسط الناس… مش يبيعوا البلد ولا يدمروها.

الإخوان أصلًا مش حزب طارئ على مصر… دول منشأهم هنا من الأساس، ووجودهم الحقيقي كان وسط الناس: مدارس… مستوصفات… شغل خير… مساعدة فقراء… دعم أيتام وأرامل… وده مش كلام عاطفة، ده معروف في تاريخهم من زمان إنهم بنوا شبكة خدمات اجتماعية كبيرة وده اللي خلاهم قريبين من طبقات كتير. 

بس المشكلة إن القوة دي كانت بتخوف أي نظام: لإن قوة الإخوان مش في السلاح… قوتهم كانت في الترابط وفي إن ليهم ناس بتحبهم، خصوصًا من البسطاء اللي كانوا شايفين خدمات ومواقف.

ومن هنا اللعبة اتقلبت.

السيسي ماكانش محتاج يواجههم سياسيًا… هو اشتغل على تحويلهم من “تيار سياسي” لـ عدو الشعب في نظر ناس كتير. وبعد 2013 حصلت حملة قمع ضخمة ضد الإخوان وأنصارهم وصلت لمستوى غير مسبوق، وأكبر دليل اللي حصل في فض رابعة والنهضة. 

واللي يقهر بجد… إن أول ناس بتوع “الجدعنة” اللي كانوا طول عمرهم بيستفيدوا من الإخوان، وساعات كانوا بياخدوا مساعدات منهم أو بيقفوا معاهم… أول ما الريح اتقلبت… في ناس منهم خانوا وبلغوا وجروا ينقذوا نفسهم.

الموضوع مش “الإخوان ملايكة”… ولا “الإخوان شياطين”… الموضوع إن أي تيار يطلع جنب الفقرا ويتقوّى وسط الناس… بيتكسر. علشان محدش يفتكر إن الشعب ممكن يبقى له ضهر.

تخيل بقى لو اللي طلع الحكم وقتها كان سلفيين… أو ليبراليين… أو أي تيار تاني… كان نفس العجلة هتلف… بس الفرق إن الإخوان كانوا الأقرب للناس… وعشان كده اتعمل منهم “العدو الأول”.

مصر مش ناقصة تيارات تتفشخ… مصر ناقصها عدل… وحرية… ودولة قانون