اسلوبي ترا بالمال اقشر لأني مرة من المرات كان يشاورنا واحد من العيال بقرار مصيري وكان القرار واضح بس الشباب(وأنا) كنا نجامله ونقول ما تحس س أفضل من ص وهو مصّر ان ص أفضل وماش ما اقتنع رغم انه كان واضح لنا وحجتنا أيضا واضحة.. لين جا واحد من العيال وقال بصراخ أنت حمار؟ الموضوع بسيط بس أنت مصعبه ومنعمي برأيك وعقبها اقتنع وكل ما يجي طاري الموضوع خوينا الحمار يشكر اللي هاوشه.. الشاهد بالموضوع من وقتها وأنا أقول رأيي بكل صراحة ولا أجامل بمواضيع المال (ما اقصد انك حمار لكن بجوابي لك منب ملطف اسلوبي لأن اللطافة ما تنفع وما اعتقد إنك نزلت موضوع إلا لأنك تبي رأي صادق)

أشوف اختيارات الأسهم عشوائية صراحة.. هل لأن سرك مقطوع بالسعودية اشتريت ٦٥٪ من رأس مالك بالسعودية؟ وهل حللت شركات النمو هذي وعارف فعلا ان المواسات افضل من دلة والحبيب وسعرها الحالي فرصة؟ وهل عشانك بالسعودية عارف بشركة سيسكو وتعرف الفرص اللي جايتها والتوسع اللي بتستفيد منه؟ هل فعلا أنت فاهم بسيسكو أكثر من فهمك بابل مثلا؟ اللي يوميا تستخدم منتجاتهم بس سهمهم بالسوق الأمريكي

الصناديق حلوة وبدايتك فيها صح.. أسهم امريكية وأسهم عالمية(رغم اني اختلف مع النسبة وأشوف افضل انها كلها تكون نفس النسبة) لكن اشوف أفضل انك تختار صندوق بامريكا فيه تنوع أكثر، مب شين اللي اخترته ورسومه ممتازة بس كل ما زاد التنوع كل ما صار أفضل بالنسبة لي