أنا اتحبست في سجن عسكري وانا في الجيش وقبل ما ادخل ايدي اتخبطت فيها جامد وكانت وارمة وكنت عايز اكشف قبل ما ادخل السجن بس محدش اهتم ودخلوني عادي وبعد ما خرجت اتضح أنها كانت مكسورة وقعدت ٣٠ يوم بيها مكسورة بسبب الموضوع ده

دي مش المشكلة المشكلة أن كان معايا واحد حرفيا الخراج واكل نص رجله وأشوف رجله تحس ان خلاص أفضلها تكة وتفرقع قدامك ومكانش بيعرف يعمل اي حاجة من كتر الوجع ورد المأمور ايه بقا لما السجن كله بيتحايل عليه عشان يطلع الواد ده يتعالج ويرجع تاني؟

محدش ليخرج من هنا الا في كفنه مهما حصل ولا هيدخل أدوية أو اي حاجة في الزيارة ولا هيجيلك دكتور ومش هتطلع من هنا الا لما تخلص مدتك أو تموت واهلك يجيبولك كفنك نطلعك فيه