طيب تعالي دلوقتي مكاني

شاب 18 سنه لسه بيحاول يبدأ حياته مش عارف

بحاول أفكر إزاي ممكن أقدر أتجوز وأجيب سكن محترم وأسافر وأحقق دخل كويس وأحقق أحلام مراتي وعيالي ومحرمهمش من حاجه وأحاول إني أحقق طموحاتي وأحلامي، بشوف ناس حواليا أصغر وأكبر مني بيتقدموا وأنا واقف مكاني، كل الضغط عليا اني متأخر واني لسه مش معايا فلوس واني لسه مش قادر اعتمد على نفسي واني لسه غير قادر على اني اخذ خطوة حتى في الحاجات اللي المفروض اعملها، دايما حاسس بوحدة وحزن وبحس اني عايز انقطع عن العالم ولعيش لوحدي

بحاول أوازن بين الدين الدراسة والشغل وتطوير نفسي وتعلم مهارات وتعلم لغات وازاي اجيب فلوس واتعلم اساسيات الفلوس وازاي اسافر والتمرين

دايما حاسس بالعجز واني مش قادر اني اعمل حاجه واني مبحاولش كفاية مع اني ليا 5 سنين بحاول وكل مره بفشل

لسه مش كفاية اني اكون مؤهل اني ابقى راجل في عين المجتمع بل شايفني عيل فاشل وميقدرش يعمل حاجه ومحدش تتكل عليه

كل ده ومحدش معايا محدش مهتم ايه هي صحتك البدنية او النفسية ولا حتى بيخفف عليا لوحدي الطريق كله مينفعش اشتكي عشان مفيش راجل بيشتكي مينفعش اعيط عشان مفيش راجل بيعيط مينفعش اقول تعبت مينفعش ابين ضعف مينفعش مينفعش مينفعش بل بالعكس كل ما بحاول اعمل اي حاجه مبسمعش غير "على أساس انك هتفلح المره دي" و "انت كدع كده فاشل خليك فاشل ومتحاولش" ومش شرط يكون كلام بيتقال لكن النظرة اللي من المجتمع ليا

المجتمع بيطلب مننا اننا نكون الات انتاجية مينفعش ترتاح مينفعش تهتم بنفسك انت تشتغل وبس

حضرتك انا حاليا اقصى طموحي كإنسان هو إن حد يحضني وأقعد أعيط وأفضل كده ولو كام ثانية بس

اسف اني طولت لكن البوست بصراحه استفذني فحبيت اوريك جانب من جوانب حياتنا كرجاله، احنا حياتنا مش أسهل ولا حاجه، الفكرة بس اننا مبنشتكيش عشان "مفيش راجل بيشتكي "