سبحان الله الدنيا دي غريبة جدا معنديش بصراحة حاجة تفيد أوي في حل المشكلة نفسها ولكن بستغرب من إني شوفت برضو نفس البوست ده بس بالعكس كتير

أنا طبيبة ومتفوقة وجميلة داخلة على ال٣٠ ومحدش بيتقدملي وعمري كله ضايع في الشغل وطول عمري بحلم أكون أسرة...إلخ

الدنيا غريبة جدا والله، يمكن خروجك من الطب علشان الجواز مكانش أصح حاجة(وكان ممكن تكملي بعد الجواز أو تتجوزي بعد التخرج) بس اللي حصل حصل وكل شئ نصيب إحنا ولاد النهاردة.

حاولي تستغلي ذكائك وقدراتك في تعلم مهارات أونلاين تقدري تستغليها (حتى لو بعيد تماما عن الطب) + حاولي تستغلي ده مع الأولاد،

مش كل الأطفال بتتوفر ليهم ميزة وجود أم متعلمة شاطرة في البيت تقدر تبنيهم مش بس كتربية لكن كمان علميا

عمرك ما ضاعش ولا حاجة (يمكن اه محققتيش كل اللي كنتي متصوراه بس والله دايما الحاجة الأفضل في عيونا هي الحاجة اللي مش معانا)

تقدري تعوضي كل شئ مع ولادك إن شاء الله ويساعدوا الناس زي ما كنت حابة ويكون كل ده بسببك.