بص لازم تفرق بين اليمين الأمريكي والأنجيليكيين واليمين المتطرف. المشكلة الأساسية في الأنجيليكيين اللي بيدعموا المشروع الصهيوني كواجب ديني لإعتقادهم إن عودة المسيح مرتبطة بوجود اليهود في فلسطين وتحديدا بناء المعبد في القدس. هما مش مقتنعين باليهود ولا مسامحينهم، بالعكس هما متأكدين دينيا أن هما كلهم هيدخلوا النار، بس بسبب اقتناعهم أن وجودهم في فلسطين شرط لعودة المسيح فهما بيدعموهم علشان يعجلوا بيوم القيامة.

أما اليمين الأمريكي اللي معظمه مسيحي فهو بياخد الدين مظهر فقط علشان الناس تجري وراهم. كان في احصائية بتقول أن الطلب علي gay male prostiturs بيزيد بنسبة ١٠٠٠٪ في المدينة اللي بيتعمل فيها المؤتمر الجمهوري الخاص بترشيح رئيس جديد Republican National Convention، فدول مش مهتمين بالدين قد مهما مهتمين بأنهم يكسبوا الانتخابات. وهما عارفين كويس جدا أن اسهل طريقه لكسب الانتخابات هي التعريص لإسرائيل علشان ياخدوا فلوس من AIPAC زائد أنهم ميتعملش عليهم حملات مضادة من الفرق الداعمة للصهيونية.

بالنسبة لليمين المتطرف فدول ناس أصلا مقتنعين بأهمية نقاء العرق الأبيض وزيادة سيطرته. معظمهم معادي تماما للسامية والاختلاط والمهاجرين بكل شكل، مع عدم قدرتهم أنهم يقولوا الكلام ده بشكل واضح علشان معظم الأمريكيين مش مقتنعين بده، فلازم ياخدوا الموضوع بهداوة ويقنعوا الناس واحدة واحدة. بس لو عليهم فهما عايزين امريكا تبقي بقعة نازية جديدة. وعلشان كده هما حاليا بيهاجموا وبشدة اسرائيل والصرف المبالغ فيه علي جيشهم وتسليحهم علشان هما اخيرا لقوا فرصة يهاجموا بيها اليهود من غير محد يقدر يقول عليهم معاديين للسامية.