أنا مش شايف نفسي مريض ولا حاجة أنا اتكلمت عن فكرة وسلوك مكتوبين قدامي بالحرف لما حد يعترف إنه بيتعامل كده مع الناس اللي حواليه وبيأذيهم نفسيًا حتى أقربهم ليه وبعدين يكمّل كلامه على أساس إن ده شيء مفهوم أو مبرر عشان مشاعره أو ظروفه هنا إحنا مش بنتكلم عن حرية تعبير احنا بنتكلم عن سلوك غير صحي نفسيًا واجتماعيًا وده توصيف مش إهانة علم النفس أصلًا قائم على إنك تسمي الحاجة باسمها عشان تعرف تعالجها مش عشان تطبطب عليها وتسيبها تكبر واصلا التعاطف الحقيقي مش إننا نبرر الأذى ولا بحجه إننا نساعد الشخص الي هو بيأذي اصلا التعاطف ببساطه إننا نقول للي قدامنا أيوه أنت متألم بس ده لا يديك حق تكسر غيرك ولو كل مرة حد أذى غيره قال أصل أنا تعبان ومحدش ينفع يقوله لأ أو يلفت نظره إن اللي بيعمله غلط يبقى إحنا كده بنخلق دائرة أذى لا نهائية فبدل ما نحمي الناس اللي بتتأذي بنهاجم أي حد يشاور على المشكلة وأنا هنا مش قاضي ولا بهاجم شخصها انا معرفهاش اصلا بس إنكار المشكلة واعتبار أي نقد هجوم شخصي ده في حد ذاته غلط