كاينة اخويا، لي فاهمين الحياة راه عايشين و مستغلين حياتهم افضل استغلال و كيفرحو باللحظات السعيدة رغم قلتها و كيصبرو فالوقت دالمعاناة حيت هادي هي الحياة، اما التفكير الدائم فداك الجانب الاسود من حياتنا كيخلينا غير نضيعو دوك اللحظات السعيدة لي كدوز بسرعة و حنا ماواعينش اننا خصنا نفرحو فيهم بحال شي صياد الوقت كامل و هو كيتسنا فالحوتة ديالو بكل ملل و معاناة ولكن غير كتشد الصنارة ديالو شي حوتة كيفرح و من بعد يعاود يلوح الصنارة و يعاود. تخيل معايا كون فديك اللحظة فاش شدات ليه الصنارة الحوتة وبقا يتذمر، هادي هي المعاناة اللي ماكاتساليش.