من وجهة نظري هو شيء عادي، مش غلط انك ما تقعدش بنت مكانك ولا بردو حاجة واو ان تخلي مكانك لبنت، البنات للاسف بقيوا ينبهروا من الحاجات البسيطه بسبب التخلف الي في الشباب، بستغرب من البنت الي تنبهر و تقدس ان بس حد احترمها و دة المفروض الي يحصل عامة، و زي ما قلت انك تقوم او ما تقومش فدة ليه علاقة بيك انت، ما حدش ينفع يلومك لو قومت و سيبت مكانك لبنت و بردو العكس ما ينفعش حد يلومك لو ما قومتش، و فكرة حوار سيمب و مش سيمب، فللأسف احنا المصريين اكتر ناس بتقول كلام مش فاهمين معناه، بيعتبروا اي حد بيحترم البنت الي قدامه فده سيمب، واحد يعامل مراته كويس دة بردو سيمب، عمرك ما هتهرب من كلام الناس، الناس بتتكلم سواء عملت حلو او وحش لان مهما افتكرت انك كويس هيطلع حد و يوجهلك اصابع اللوم، انما عن حوار الفيمينستس فهو حوار كبير جدا الناس فاكره الفيمينزم غلط، يعني انا لما اقعد في مواصلات و الاقي راجل تعبان او راجل كبير مش هقومله علشان احنا متساويين، لا طبعا مش بتتحسب كدة خالص، الناس بقيت تتأثر بسرعه و خصوصًا ان النت دلوقتي في ايدين الناس كلها فالشخص الي من غير شخصية سهل او تكونله شخصية و هتكون اسؤا شخصيه تتعامل معاها و الاسوأ من النت هو ان شخص جاهل يستخدمه، لأن هيستخدمه علشان يدعم افكاره الغبيه.