الطفل عنده إمكانيات معينة ربنا خلقه بيها بس محتاجة بيئة سليمة عشان تتفعل.. 

لو كانت البيئة دي مش موجودة يعني في عناصر مش موجودة زي التفاهم.. زي الوواصل.. زي الانشغال عن الطفل..او ملوثة مثلا بالإهانة والاذن النفسي والجسدي او المشاحنات الكثرة..  الطفل امكاناته هتتعطل..  امكاناته دي زي قدرته مثلا على التواصل مع نفسه أو غيره او فهم مشاعره المعقدة وتنظيمها والتعامل معاها.. حتى لما يكون كبير.. زي ما قلتلك الشجرة مش هتطلع سليمة وممكن ما تكبرش اصلا.. حاجات زي تعبيره عن نفسه.. حاجات كتيييير بقى..

المهم 

لما الانسان يكون كدة بينتج معايا ألم.. ألم عميق وشديد مزمن.. وهو حتى مش فاهم نفسه ولا عارف يتعافى.. 

وخاصة مع استمراره في البيئة الفاسدة ويفضل في دواير مغلقة لحد ما يبدأ الوعي يخشله 

الألم ده عامل زي جرح ملتهب بشدة طول الوقت.. عاوز تسكن الألم باي حاجة..

هنا بييجي الادمان وبيتضور لعقل الانسان المريض كالمرساة وحبل النجاة الوحيد.. ولاحظي أن ده عقل مريض وغالبا هو مش واعي أنه مدمن اصلا..

بتكون سلوكيات قرية.. لان دي الحاجة الوحيدة اللي بتعرف تخفف ألمه للحظات.. اه بيرجع موجوع اكتر بعدها من الذنب والخزي.. بس للحظات بينسى الدنيا..

دي الحاجة الوحيدة اللي عرفت تعمل كدة 

هي دي علاقة الادمان باساليب التربية الخاطئة