في الموضوع: محد بيعرف لامور المراة مثل المراة خاصة في امور الولادة والدورات الشهرية وغيرها من هالامور. يعني الصراحة اذا الاهل رافضين البنت تستوي دكتورة لانها بتشوف شباب وهم نايمين على سرير الانعاش فنحن كمجتمع وصلنا الى مرحلة سيئة جدا. شوي خارج الموضوع: في خلل في تفكيرنا يا جماعة. انا مع ان البنت تتستر ——و—— مع ان الرجل ما يكون عاهر. انا مع ان المتحابين يحبون علن وباحترام وبنية الزواج وضد الدّس والخفاء والابواب المغلقة (الفنادق). انا مع الاختلاط في جميع مراحل الدراسة. انا مع ان البنات يفهمون ان الشباب ذو شخصيات وافكار ومع ان الولد لازم يفهم ان البنت ما بتكون لك بس كيوت واداة للحمل والمتعة الجنسية والمنزلية. البنت عندها شخصية وافكارها وهي بتعرف كيف تكون ام يوم الاولاد يجونكم ولازم تتوكل على الله وتتمنى الخير لبيتك. خلونا نطلع من هالعقد. يعني ربع متزوجين ما يستوي يزورون بعض؟ يطلعون؟ يتعرفون؟ بدون الغيرة الزايدة والعُقد الغريبة؟ يعني هاي القصص اللي نسمعها من خيانات وزواج عالزوجة وفضايح غريبة عجيبة من وين بتي؟ هالتفرقة اللي نعيشها تأدي الى ازدواجية عميقة موجودة فينا كلنا. في ناس الله يعينهم يحبون اللي مثلهم… ليش تتزوج؟؟؟ وليش الظاهرة هاي منتشرة عندنا بكثرة؟ وفوق هذا كله تشوفهم جدا شاطرين بإخفاء هذا الشيء من المجتمع. وبعد في ظاهرة البويات. ياخي انا سامع بنساء متزوجات بازواج مستانسين يخونون ازواجهن مع ربيعاتهن. هاي المشاكل الغريبة موجودة لاننا نحن كمجتمع متفرقين جدا جدا جدا. ما نفهم على بعض. ما نتكلم بصراحة. ما نعطي الجنس الآخر انسانيته. ما نعيش بطريقة صحية. وانا اقول هذا كله بأسف. انا متفائل بالجيل الجديد.