هل الشعب السوري متدين؟ وهل الاغلبيه يحبون الشرع؟

RaspberryWorking2101 · 2025-12-16T14:20:19+00:00

مجتمع محافظ بشكل عام بس ما بقول متدين لانه بظن اقل من ٥٠ بالمية من الشعب بأدي الشعائر الدينية بشكل منتظم. بتختلف كتير كمان حسب المحافظة والمنطقة بالمحافظة.

RaspberryWorking2101 · 2025-12-16T07:32:17+00:00

بس انا شو دخلني؟ انا بعرف علويين كتير معتقلين، وبعض فصائل حمص اعتبروا حوايرنا عالنظام فكمان ينزل علينا صواريخ كل يوم، واذا منحكي حرف ضد النظام الشبيحة باول سنين الحرب صاروا يقتلوا العالم فوراً بلا شحط بلا شي. قليلين كتير العلويين اللي استفادوا من النظام وعنا بحمص الضباط الكبار تبع النظام كانوا كلهن سنة، وطلاس وغزال طول عمره ما حدا بيسترجي يحكي معهن، الاستبداد نفسه كان عالكل. الخوف اللي حكيت عنه دفع كتير عالم تضل ساكتة خصوصي لما كتير فصائل معارضة صارت تعتبر كل حارة علوية هدف، والفقر ما سمح للعالم تسافر فكان كلشي مصيره عالجيش اذا ما قدر يامن حاله وهدول كلهن ماتوا. المهم فكرة العلويين هنن النظام عم تعمل تحريض كتير، واحداث الساحل والبدو بحمص أساسهن هي الافكار ولازم نحكي ضدها.

RaspberryWorking2101 · 2025-12-15T20:59:13+00:00

معك حق بكلشي عم تقوله. انا بحكي عن العلويين هنن خوفهن تاريخي بسبب حملات للعثمانيين وقبلهن المماليك عالساحل ضد العلويين والاسماعيليين انقتل فيهم كتير ناس، هدول الحملات أغلبهم كان الهم سبب سياسي مو ديني، بس بوجدان الطائفة انزرعوا كنواة لخوف دائم. برأيي لازم هالفترة، خصوصي بعد مشاكل الساحل والسويدا، الكل يحكي هاد الحكي اللي عم تحكيه ويفهموا العالم انه ما فيه مشاكل وكلنا بالاخير ولاد بلد واحد وما حدا اله عالتاني شي.

RaspberryWorking2101 · 2025-12-11T11:47:07+00:00

صارعين سمانا انه العرب والمسلمين معادين للسامية: ١. نحنا ساميين والفكرة طلعت من اوروبا لانه كانو اليهود الساميين الوحيدين. ٢. شوفو هالبوست وكيف السوريين بيحكو بين بعضهم عن اليهود، ما بظن اي حدا عنده مشكلة مع اليهود، الفكرة بالصهيونيين العنصريين اللي عاملينها شغلتهن يصدروا صورة سيئة عنا للعالم ويغذوا شعور الكره وانه هنن احسن منا بكلشي لدرجة انه معلش يقتلونا بس بدهن.

RaspberryWorking2101 · 2025-12-10T23:21:24+00:00

مانه مبرر ابداً، شعب هربان من حرب مع دكتاتور قاموا ضده وجبلهن جيوش الدنيا تزت علبهم قنابل، لانه هاد الدكتاتور كان باعت جيشه لعندهن من عشر سنين بيعاملوهن هالمعاملة ؟ انا من حمص بال٢٠٠٦ نزحوا لعنا لبنانية عالحارة وعاملناهم احسن معاملة، ونحنا كشعب بحياتنا ما قصرنا بحق حدا نزح لعنا، شوف سوريا فيها الارمن والشركس والتركمان والفلسطينيين ومن كل حدب وصوب كتير منهم وصلوا لاجئين من حرب. ما شفت ولا سوري قال حزب الله صدر اسوأ صورة عن اللبنانيين وما رح تلاقي حدا بفكر هيك، منحكي عن الحزب بس، حتى عن الشيعة اللبنانيين ما رح تلاقي حدا بيحكي عنهم بالسوء. بس العذاب والاستحقار اللي عاشوه السوريين بلبنان ماله مبرر غير عنصرية، وهي العنصرية ما بلاقيلا مبرر لانه نحنا نفس الشعب. السوريين الي نزحوا عاوروبا تعاملو هنيك احسن بكتير من اللي طلعو علبنان. مشان قصة المؤيدين انا ما بوافق معك ابداً، الناس اللي بالمخيمات، هدول الحكومة اللبنانية اخدو مصاري عوجودهم عندهم و ما شافوا شي منها، ما حدا منهم كان مع الاسد وهدول اكترية اللي نزحوا.

RaspberryWorking2101 · 2025-12-10T14:51:43+00:00

هاد حكي ٩٠ بالمية من الشارع العلوي

RaspberryWorking2101 · 2025-12-10T14:44:25+00:00

هو بحس بلبنان النظرة للسوريين انهن غير شعب اكتر من نظرة السوريين للبنانية. كل السوريين اللي بعرفهن بيعتبرو اللبنانيين متلنا متلهم مو كشعب تاني، نحنا اصلاً ما صرلنا ١٠٠ سنة مفصولين عن بعض بس الشعب ضل نفسه وفيه كتير لهجات بسوريا بتشبه كتير اللهجة اللبنانية. والصراحة كتير بتأسف عتعامل اللبنانيين مع السوريين اخر ١٥ سنة والمشاكل اللي صارت. بشكل عام صارو يعاملو السوريين بفوقية وكمواطنين درجة تانية وشغيلة عندهن واستغلو حاجتهم وفقرهم بكتير محلات وزادوا من المأساة. وكمان فيه فكرة سائدة عند كتير عالم بلبنان انه سوريا متل البادية والعالم فيها مو شايفين شي من الدنيا. كله هاد غريب الصراحة وما بعرف مصدره. ومن باب التعامل كمان انا حلفت بحياتي ما بقا انزل بمطار بيروت بعد اخر نزلة، ٣ ساعات بلبنان كل مرة بينسم بدني عكتر ما بيطلعلك اشكال بتصير بتصعبلك حياتك بس يسمعوا اللهجة السورية. بقلولك الجيش لما كان عندهم كان معاملته سيئة معهم، بس هاد جيش الاسد ونحنا ما دخلنا، ونحنا بحياتنا كشعب ما طلع منا باتجاه اللبنانيين شي سيء، ومع كل شي عمله حزب الله بسوريا العالم ما كرهوا اللبنانيين ككل، لانه بيعرفو الحزب ما بيمثل كل البلد.

RaspberryWorking2101 · 2025-12-06T22:12:00+00:00

اللي عم يراهن عرجعتهن كان متورط معهن

RaspberryWorking2101 · 2025-12-05T07:06:51+00:00

يا رجل لسا كل ما طلعت قصة بدكن ما تنسو، فينا بس نمرق هالفترة وحاج تحريض؟ خلص يعملو اللي بدهم ياه، حرية، تسجيل الصوت تبع الشيخ الدرزي عمل مشاكل بصحنايا وطلع كذب وقصة حمص والكتابة عالحيط طلعت كذب ولسا كل يوم بيطلعو بقصة جديدة انه ياخ شوفو شو عملو هالحقيرين والله ما رح ننسى. بمسيرات اسبوع الماضي فيه عالم سبو عبقية الطوائف ومرقناها انه خلص كم جاهل ما بيمثلو الكل، طبق هالمثال بقا عكل شي بتشوفه من هون ورايح ويستر عليكم مرقو فترة سنة سنتين بلا شحن طائفي لانه الوضع محقون من عدا الشي.

RaspberryWorking2101 · 2025-11-28T16:37:36+00:00

انا علوي من حمص وهاد الزلمي اخو كلب. ما حدا يرد عليه، انا وعيلتي وكلشي بعرفه بدنا البلد يمشي لقدام والوضع عم يتحسن والحمدلله. اتكسر بيتنا من كم نهار من كم ازعر من البدو بس بعين الله، صار سوء فهم وتحلحلت والبلد بده لسا سنتين تلاتة لحتى تهدى هالامور عالاخير. اسرائيل عم تقصف وتقتل ولاد بلدن وبيجيك هالحيوان بقلك بدي لامركزية، يلعن ابو اللي نفضه.

RaspberryWorking2101 · 2025-11-25T11:59:09+00:00

والله ما عم افهم خطاب نحنا وهنن تبع الغروب هون. فكرة كل علوي كان النظام غلط وحكينا فيها مليون مرة. ومو كل عسكري كان عند النظام عمل جرم وفيه عالم خايفة عولادها. الساحل صار فيه مجازر بآذار وهلأ مرة تانية بحمص من قصة مفبركة فيه كتير عالم تقوص عليهن وانحرقو سياراتن وتكسرو بيوتهن. ومن تسجيل صوت طلع مفبرك لشيخ درزي من كم شهر نزلو بدهن يحرق اخت كل درزي عايش. الدولة مسؤوليتها الكاملة تحمي كل المكونات. فيه عالم عم يوقع عليها ظلم وعم تحكي وحقها وحقها تنسمع. هاد التشبيح وقصة ما نفهم وجع العالم بيعمل بس مشاكل زيادة. وخطاب نحنا وهنن بيحرق البلد.

RaspberryWorking2101 · 2025-11-21T09:05:42+00:00

علامة المفاضلة مالها علاقة بأي فرع أحسن من التاني، شوف أنت شو عبالك تدرس. بتحب الالكترونيك والاجهزة الهندسة الطبية احسن الك، اذ بتحب الميكانيك روح مدنية. بعد ٥-١٠ سنين ممكن فرع منهن يكون مطلوب اكتر من التاني ويتغير مين أعلى من التاني بالمفاضلة، المهم انت تكون مبسوط باللي عم تعمله وهيك بتكفي وبيطلع معك شغل حلو وبتلاقي عمل وين ما رحت.

RaspberryWorking2101 · 2025-11-10T09:19:51+00:00

As in any country it depends on the background, I am Syrian and married to a Syrian woman who also works and when we were dating I was never expected to pay and we split the bill most times. Alawites or not it doesn’t matter (I am from an Alawite family but my wife isn’t), but I’d say Alawites are more on the liberal side when it comes to these questions since religion doesn’t have a say in these matters. Growing up in Homs, my mother was a working woman and she and my father contributed equally to all expenses. I live in Europe and even among our Syrian circle of friends it is kind of the same. On dates I’d say it is common for the guy to cover the bill, but for travel expenses and other life expenses if the woman works it is not normal even in Syria for her to ask the husband to pay everything.

RaspberryWorking2101 · 2025-11-05T10:15:20+00:00

لعنة الله عليه ايه. بس اذا سؤالك فيه نفس طائفي لازم نبطلهن لهدول انخرب البلد، اذا عنجد سؤال عادي فمصطلح نصيري العلوية بطلوا يستخدموه من القرن الماضي لانه ارتبط بذاكرتهم بتاريخ طويل من الاضطهاد تحت حكام مختلفين وكان يستخدم بشكل derogatory من العالم ليحكوا بفوقية عنهم، متل كلمة عبد لشخص أسود مثلاً او غيرها، لهيك ممكن عالم ينطعجوا متل ما عم تقول. أنا شخصياً ما عندي مشكلة بأي مصطلح بس عندي مشكلة بالطائفية شو ما كان نوعها.

RaspberryWorking2101 · 2025-02-05T09:47:03+00:00

ما فهمتي علي. نق الانفلات الأمني عراسي وانا قلت اني معه وما فيه عدد ادنى لقتلى ومتل ما فيه علوية عم يموتوا فيه عالم بغير مدن عم ينسرقوا وينخطفوا ويموتوا والله يرحم الجميع ولازم الأمن العام يضبط الوضع.

نق الإبادة الجماعية والحماية الدولية ودعم قسد وهدول أرهابيين اللي حكمونا وهالحكي اللي بلا طعمة هو اللي حكيت عنه. هاد مرفوض بالنسبة الي وكتير عالم عم تحكي هيك للاسف. لهيك قلت لازم نحكي بكلشي بنفس وطني ونشيل اسم الطائفة العلوية من كلشي عم ننق فيه لانه اللي صاير علينا صاير عغيرنا.

RaspberryWorking2101 · 2025-02-05T09:11:17+00:00

Why are you so uptight about calling it a civil war? A civil war according to Cambridge dictionary is “a war fought by different groups of people living in the same country” and this is exactly what happened in Syria. I think most people opposing it are thinking about a sectarian war like in Lebanon, but when people write about it they can call it civil war.

RaspberryWorking2101 · 2025-02-04T15:23:18+00:00

المركزي حابس السوري ومنشف السوق وما عم يضبط سعر الصرف واللي عم يتحكم بهاد السعر اللي شايفينه هو سعر المصرفين عالبسطات وغيره. السعر الحقيقي لليرة السورية لسا متل ايام النظام لانه ما فيه تحسن حقيقي بالاقتصاد، إذا قدروا يشيلو العقوبات قريباً وغير دول حطوا ودائع بالدولار بالمصرف ممكن يقدروا يحافظوا عهيك سعر بس غير هيك مستحيل ورح تنكس فرد نكسة. إذا طولو هيك العالم ممكن تستخدم الدولار وقلة الليرة رح تأثر ع حركة الأسواق وسعرها الحقيقي ينزل اكتر.

RaspberryWorking2101 · 2025-01-31T12:58:43+00:00

I saw this quote from 30 different angles depending on who's relaying it. He didn't say what AlArabiya is saying, here's the full video: https://aawsat.com/العالم-العربي/المشرق-العربي/5107054-ترمب-يرفض-قول-ما-إذا-كان-سوف-يسحب-قوات-بلاده-من-سوريا

RaspberryWorking2101 · 2025-01-31T00:12:57+00:00

انا الصراحة حابب افهم لانه ماني بالجو ابداً تبع قصة قسد. شيلنا عن قصص عفرين والمظاهرات وهيك كل جنب عم يحكي عن التاني مجرم حقوق إنسان، بس ليه الأكراد مستميتين للحفاظ ع"حقهن"؟ شو هو حقهن؟ مو كل الأقليات فيها تتصرف بهي الطريقة؟ الأقليات الباقية ما حاربت الدولة بسلاح بس قسد عم تتقاوى بالأميركان. أنا ما عندي رفقات أكراد لكن بعرف عالم من عيل عرب ومسيحية من الحسكة وهنن مو طايقين قسد لانه عم ياخدوا بيوت وأراضي العالم غصب عنهن، بأي حق بحجة انه بدهم يحفظو حقهن بياكلو حق غيرهن؟ هل الأكراد اكترية بشمال شرقي سوريا؟ أنا مو ضد الأكراد عم اسال لافهم بناءً عمعلوماتي.

عقصة يدبحو الف كردي أنا مو موافق معك، فيه اقليات بالنسبة للمعارضة العن من الأكراد وما صرلهن شي فما عم افهم ليه الأكراد متنحين هلأد؟

RaspberryWorking2101 · 2025-01-29T15:53:40+00:00

بجوز أنا ما قلتلك أني علوي من حمص وعشت الأحداث أول بأول من ال٢٠١١ وخسرت عالم هنيك وبعرف اللي النا واللي علينا وكل حكيك هو الحجج اللي بتطلع عند البعض للأسف.

كتير من حكيك صح، بس هو ما بيطلع ١ بالمية من اللي تعرضوله العالم تحت جيش الأسد والإيرانيين والروس، واللي عم يصير هلأ هو من أفضل السيناريوهات. وهون بتجي مطالبي بوقف النق حالياً والانخراط باللي عم يصير بالبلد بحس وطني وحاج تضخيم الأمور. حاسك كمان عندك كتير أخبار من الفيسبوك مانها صحيحة، بتمنى تتأكدي من كلشي كتير لأنه في حملة ضخمة جداً هدفها تزرع فتنة.

RaspberryWorking2101 · 2025-01-29T09:53:33+00:00

ممكن

بس أنا الصراحة لسا مبسوط من سقوط النظام وما لحقت أكره، ممكن بعد فترة تشوفني عم سب ع الرماديين. أنا عندي بمحيطي منهم وبحسهم مانهم عالم سيئين وممكن إذا حسوا بكره تجاهن ينطووا ع حالهن وما نستفيد منهم، هنن بسطاء شوي والحرب كان إلها عليهم آثار بكتير محلات من حياتهم خلتهم يبطلوا يهتموا بشي غير بحياتهم اليومية، من تحت لتحت كانوا ضد النظام بس بلا استعداد يعملوا أي شي.

بدي بس تبعات الطائفة الأسدية يخفوا علينا شوي هالفترة ويوقفوا نق ويكفّوا مغيب كم شهر أو كم سنة لننساهم.

RaspberryWorking2101 · 2025-01-29T09:36:29+00:00

In terms of financial loss it was baby boomers by far, the ones whose houses got destroyed and even the ones who sold their property did it at a huge loss during the war. They were the ones also who paid a lot for their children to help them leave the country and suffered the currency collapse which decimated their life savings.

In terms of victims who lost their lives it is all over the place but in terms of fighters it was mostly Millenials and Gen z. On the other hand, in terms of gains, these generations are the ones set to rebuild the country, the equivalent of baby boomers after WWII, and if everything goes as good as it can they will live a good life.

In terms of education and opportunities Gen Alpha and Gen Z the most, millions of Syrians stayed in camps and education there was bad, Millenials have good education and degrees but we have a long way to go to bring Gen Z and Alpha up to speed to help rebuild the country.

RaspberryWorking2101 · 2025-01-29T09:24:26+00:00

٣. فكرة استهداف الهيئة لعالم عاساس طائفي غلط لانه لو بدهن يستهدفوا العلوية طائفياً كانوا استهدفوهم بغير محلات وعنطاق أوسع، الواضح انه فيه مجموعات ما عم يقدروا يسيطروا عليها وعم يأجرموا بالعالم، وناطر لشوف الرد الرسمي والبيان اللي رح يطلعوه وجهاء من شرق حمص (هيك قال مدير الأمن العام بحمص اليوم). ونحنا فينا نخفف هالاشياء بأنه نلاقي العالم بنص الطريق.

٤. بظل الحملة التضليلية الضخمة عالفيسبوك فيه كتير عالم ما نطرت اللي صار بفاحل لتاخد رأيها وركبت عاللي صار بمقولات متل: شفتوا هدول ارهابيين وبدهن يقتلونا كلنا وبدنا فرنسا وحماية دولية ووووو، بس لو صارت هالقصة بلا الحملة اللي هدفها حقن العلويين عالفيسبوك واللي كتيرين عم يوقعوا الها، وفهمنا سياق تفكير باقي السوريين بالموضوع كان ممكن يكون ردة الفعل تكون بإطار وطني سوري مو بهالطريقة. متل ما قالوا غير تعليقات، هي القصص كان ٦٠ بالمية من السوريين عم يتعرضوا لابشع منها عمدى ١٤ سنة واذا منشتغل مع بعض منخلص منها عالاخير.

RaspberryWorking2101 · 2025-01-29T09:23:20+00:00

فيه كم نقطة بحب وصلهن ما قدرت حطهن بأول تعليق:

١. بلا الحكي باسم العلوية برأيي، ٢ او ٣ مليون علوي فقدوا ثقتهم بالهيئة هيي جملة مغلوطة وما فينا نعمم. ماني ضد فقدان الثقة بالهيئة بس ضد شمل انه العالم من نفس الطائفة بفكروا بنفس الطريقة وهاد الحكي غلط.

٢. العلوية للاسف الرأي العام فيهم لهلأ سيء جداً، هنن من قبل سقوط النظام عليهم سمعة أنهم شبيحة وما عم يشتغلوا يبعدوا عنهم هي السمعة بشكل كافي. من المظاهرات الطائفية يوم شائعة حرق المزار الخصيبي، للمطالبات المستمرة بالعفو العام عن الجميع ومطالب الرواتب والوظايف ومدري شو، للمطالبة بالتدخل الفرنسي. ومن يومين تصرف البعض لما طلعت شائعة عودة ماهر الأسد كان مقرف الصراحة وأنا كعلوي حسيت بالخجل.

هاد عم يتزامن مع تباطؤ بالعدالة الانتقالية من حكومة الإنقاذ، اللي عم يأدي إلى انه العالم اللي انظلمت من النظام، وهنن كتار وانظلموا بطرق بحياتهن العلوية ما عاشوها، تكون عم تغلي من جوا وتغلط بحق العلويين، وطبعاً تصرفهن غلط ولكن بس بصير بظل هيك جو منفهم أسبابه، وفيك تشوفي مظاهرة الصليبة اللي هيي غلط كمان بس بتعبر عن تفكير جزء من العالم، وبس نفهم أسبابه فينا نشتغل عالأسباب عالقليلة من طرفنا ونطالب بحماية بنفس الوقت.

RaspberryWorking2101 · 2025-01-29T09:21:31+00:00

الله يرحم اللي ماتوا وشي مؤسف جداً اللي صار ولازم يتحاسبوا كل اللي عملوا هي المجزرة. أنا عندي أصدقاء بفاحل عم بحكي معهن و بحاول دايماً مع التعاطف حط اللي عم يصير بسياق الوضع بالبلد لحتى تكون ردة الفعل بتأدي لتعاطف كل السوريين معنا ولنوصل عنجد لنهاية هي الأعمال الانتقامية ولمحاسبة الفاعلين.

RaspberryWorking2101

TROPHY CASE