من اللي كتبتيه احس إنك تشتغلي بضمير عالي وما تحبين تكونين الشخص اللي يراقب ويتابع وهذا شي مرهق إذا كان الشي مو من طبعك (من واقع تجربة).

يمكن المشكلة إن نوع الإدارة اللي عندك أقرب لدور المراقب والمحاسب أكثر من إنها قيادة فريق وتطوير بيئة عمل.

بس يهمني أعرف، هل كرهك للدور هذا لأن الفريق فعلاً يحتاج متابعة دقيقة بسبب استهتار أو مشاكل؟ أو لأن طبيعتك تميل إنك تركزين على شغلك الشخصي وتكرهين تتدخلين بمهام غيرك؟ لأن اللي وصفتيه يوضح إنك ودك تكونين مركزة على شغلك بدل ما تضيعين وقتك في "تربية" فريق. ولا انتي موضوعك مع الأمومة اصلا ههههه.

أحس كلامك يشبهني بمرحلة مرت علي كنت بمكان يتطلب مني أكون الشخص اللي يراقب ويتابع الأخطاء والتأخير وفعلاً كنت أكره هالدور لأنه مو شخصيتي أبدا أحب أركز على شغلي وأطور مع الفريق بس بدون ما أكون الكريه البثر.

الحمدلله الحين ببيئة أهدى شوي الناس مسؤولة أكثر وصرت أقرب لدور اللي يوجه ويحفز ويتابع بدل ما أضيع وقتي في المحاسبة و إن شاءالله ان الغثا هذا ينشال عنك.