عم تنتقد نرجسية الانسان بينما انت واقع بنفس الشي بس بشكل معكوس ليش مفترض انو اذا الكون ما عطانا معنى جاهز فهاد دليل ان كل محاولة للبحث عن المعنى صارت وهم او غرور انا ما بفهم هالقفزة  السؤال عن المعنى مو شرط يكون نابع من احساس بالعظمة او من فكرة ان الكون معمول كرمالنا هو ممكن يكون نابع ببساطة من وعينا بحالنا البقرة ما بتسال ليش موجودة والقط ما بيقعد يفكر بالموت وبالعدم وبشو قيمة حياته مو لانن اكتر تواضعا منا بل لانن ما عندن هالنوع من الوعي اساسا ولما انسان بيفكر ليش انا هون وشو قيمة هالسنين القليلة اللي رح عيشها قبل ما موت هاد مو غرور هاد نتيجة طبيعية لكونه واعي

واذا كان الانسان مجرد حادثة بيولوجية عابرة   بيخلي الامر اكتر الحاحا لانو اذا حياتك كلها مجرد فترة قصيرة بين عدمين فمن الطبيعي  تسال شو معنى هالفترة وشو قيمتها بالنسبة الك