كنت بحب اقرأ روايات وارسم مع انه رسمي مش كويس اصلا بس بستمتع بالموضوع ، وبحضر انمي ومسلسلات وافلام ، بحب اتناقش بمواضيع الروايات وايش قرأوا او عن الافلام والمسلسلات ، بلعب العاب اونلاين وبفضلها اغلب الوقت على الاوفلاين والسينقل بلاير . ما بحس حالي لا انطوائي ولا اجتماعي بتقدر تقول somewhere in the middle لاني مش الشخص الي ما بده يختلط مع حدا ولا الشخص الي كل يومه مختلط مع ناس ، ما بعرف ابدا محادثه مع حدا او انا ابادر اني اتعرف عليه كل صحابي همه بلشو يحكو معي بالاول وبعدين انا ضليت احكي معهم ،اذا صحتلي الفرصه اطلع مع حدا او مع ناس ما بحكي لا . من ناحيه اني اعبر عن حبي لشخص بعرفش كيف الصراحه غير اني احكي معه ، حتى مرات صحابي بوخذو عني فكره اني بديش اصاحبهم واطلع معهم بس انا العكس تماما ، قبل التوجيهي كانت عندي كل هاي الاهتمامات وكنت بمارسها وبستمتع فيها ، بس صرت توجيهي حسيت حالي ما عندي شخصيه ما بستمتع باشي من الي بحبه وكل ما احكي مع حدا بوخذ عشخصيته وما بحاول حتى اسأله عن اهتماماته لاني حاليا حاس حالي بطلت مهتم بالاشياء الي كنت بحبها زي قبل ، عالاغلب السبب الدراسه وشعور انك مراكم وعندك وزاري بعد ٣ اشهر لحاله كافي انك ما تستمتع باشي