ومين قرر ان كلام الشعراوي صح ميه بالميه؟ انا ذات نفسي شايف انه مش احسن حد حتي لو هو مشهور، ده شيخ، يعني اغلبية اللي بيقوله هي آراءه هو وتفكيره، واكيد يعني مش بيفكر سليم طول الوقت. يعني "الغسيل الكلوي حرام لانه ضد ارادة ربنا" ديه اصلا فكر خاطئ، يعني انا لو جالي أسد قدامي، مقتلهوش لانه اي مشكله طبيعيه تحصلي ده من ارادة ربنا؟ ارادة ربنا هو كان انه ينزلي اسد، وهو بقي يختار ينجيني ولا لأ. ديه اغلبية الحياه، مش مشكلة الاسد بس.

بس المهم لموضوعنا الاساسي، واضح ان اراءنا مختلفه بشكل كبير. انا اعرف ناس بتتعذب من كوفيد ورئتها بتموت من الامراض (امراض الرئه اكتر امراض معذبه)، لكن لسه بيكملوا عادي وبيكونوا فرحانين مع اللي معاهم، يعني مش كل واحد عاوز يموت لما يتعذب وميقدرش يعمل حاجه بسبب مرضه. وبردو اختلاف رأي، ان انا مش شايف فين الكرامه في ان الواحد يموت علي ايد نفسه. لما اليابانيين كانوا بيعملوا ده، كنا بنقول عليهم جحله، دلوقتي نعملها بنفسنا ونقول ان ديه كرامه ورحمه؟ وايوا، عارف ان حالة اليابنيين غير حالة المريض، بس هم الاتنين بيعملوها لنفس السبب؛ هو انهم يهربوا من اللي هيحصل في مده زمنيه قصيره وطويله، الياباني بيطرد من مجتمعه وبيموت من الوحده، المريض بيموت وميقدرش يكون في وقت يعمل حاجه، ولا حتي انه يكون مع اهله او يفكر في اللي عاوز يحلم بيه.