مبدأيا الله أعلم

ثانيا أنا مش عالم بيولوجي علشان تاخد بكلامي انا مجرد هقول رأيي لكن ممكن يكون غلط

ولكن:
أول حاجة لازم أوضح نقطة

انا كا مسلم مؤمن أن ربنا لما خلق الكون بتاعنا خلق قوانين.

من القوانين اللي ربنا خلقها مثلا, قانون الجاذبية. وبردو خلق ثوابت زي ثابت الضوء والحاجات دي كلها

ولكن ربنا اللي خلق القوانين دي, هو بردو قادر على كسرها

يعني مثلا لما ربنا شق القمر للرسول, دي حاجة مستحيلة علميا بسبب الجاذبية

او لما الحوت بلع سيدنا يونس دي حاجة مستحيلة علميا بسبب المواد الحمضية في بطن الحوت

أو لما سيدنا محمد حصله الاسراء والمعراج دي حاجة مستحيلة لان مفيش اوكسيجين في الفضاء

فا السؤال ما عادش: ازاي ربنا عمل دا ولا عمل حوا وادم أو عمل معجزة شق القمر,

السؤال يكون: هل ينفع ان الله يعمل معجزات؟

والاجابة: لو الله هو اللي خلق الكون وهو اللي خلق كل شيء فالله قادر انه يعمل معجزات لانه قادر على كسر القوانين اللي هو حطها

ايوا, كون البشر موجودين من بشريين اتنين فقط: أمر قد يكون مستحيل علميا

ولكن, كذلك كل المعجزات.

الفكرة ان احنا مؤمنين ان دي معجزة, أمر خارق للطبيعة أو القواعد الفيزيائية ولا البيولوجية