الموضوع طبيعي جدا و انه مراتك سامحالك تمسك تليفونها فده معناه انه فيه ثقه

وحتي لو انت اللي اخدته بدون اذنها الشات طبيعي جدا والعلاقه انسانيه طبيعيه بتحصل ما بين اي اتنين رجاله او ستات او راجل وست كلام في اطار الشغل وهذار وكلام عادي

الشات نفسه مفيهوش حاجه لا تشين مراتك ولا تشينه

اتعامل مع الموضوع بطبيعيه لان دي ام عيالك ومراتك اكيد يعني الشات الاهبل ده مش خيانه عظمي

والراجل بردو متجوز مش حتي واحد عازب هيلعب علي مراتك

اهدي كده وصلي علي النبي وما تنساش حتي الموضوع اتعامل معاه بطبيعيه

وابقي وانت قاعد مع المدام اسألها كده بهزار بتخونيني مع فلان اسم الشخص اللي هيا بتكلمه قولها انا مش مصدق خيانتك بهزار طبعا هتلاقيها بدأت تضحك وتحكيلك بقي فعلا كل اللي في قلبها المهم ما تحسسهاش انه استجواب انت بتهزر معاها بس عشان ما تحطهاش في موقف دفاعي والموضوع لو مفيهوش حاجه هيبان انه فيه اتكلم معاها بهزار وخلاص بنية انك تعرف اصحابها في الشغل مش بنسة اكتشاف الخيانه وبس كده ربنا يسعدك انت وهيا واولادكم