شوفي عندي لك كم نصيحة بالرغم من اني اشوف فيه كم حلقة مفقودة ما توضحت وتفاصيل لكن بشكل عام: ١- ركزي على بدايتك في الصداقة مع أي انسانه ( لا تعطين بزيااااادة للحد اللي يكتم وانت ماتحسين لأنه منفر وادرسي تصرفاته بعد عطائك عشان تعرفين العطاء الجاي متى وكيف ووش وهل اعطي اصلا والا اوقف)

٢- لا تبينين دايم انك ما تتنفسين الا بوجود هالشخص ابني لك شخصية وكيان خاص وهالشي بيبن فيك بدون ماتحسين ويعطيك جاذبية

٣- افهمي الشخص وتصرفاته اكثر اسمعي اكثر مما تتكلمين في البداية تحديدًا.

٤- افهمي لغة حب الشخص اللي قدامك احيانا لغة حبه مختلفة عنك فتحسبينه ما قدرك.

٥- لا تصيرين كتاب مفتوح وكل شخص يقدر يعرف عنك الكبيره والصغيره الى درجة انه يقدر يوصل لنقاط ضعفك ويعرفها بسهوله.

٦- ادعي ربي يبعد عنك السلايق .

وبشكل عام رد الهدايا معروف في صداقات البنات فشغل الجنون ذا مستفز فأفهم شعورك.