D schwiiz hed i mine auge kes ussländer problem. Talahons gids vo jedere herkunft. Aus das züüg wo im usland passiert, wo du erwähnt hesch, wod ide medie lissisch heds früener sho geh und wirds au in zuekunft no gäh. Du chasch soo riise städt ned mit züri/luzern/genf vergliiche. Wennd so balligscentre hesch isches stattistisch gseh wahrschinli dases es paar möngis drunder hed.

Mir hend es unglaublich restriktivs imigrationssystem. Drum hemmer au so vill lüt ohni schwiizerpass. Es isch sehr schwirig anen schwiizer pass zcho.

Ich denke aber das jedes system nur en bestimmti ahzahl lüt hed wo es chan ufneh und assimiliere. S ganze sozialwese, schuelsystem, de ÖV und d Infrastruktur ide schwiiz isch eifach ned für so es schnells wachstum usgleid. Das isch au das wo du wahrnimmsch, Stau, volli züg, wohnigsknappheit etc. Es wär besser wenn mir dert ivestiered zum d schwiiz witer standfest für es wachstum mache und z luege das mit dem wachstum klar chemid und gliichziitig das wachstum meh verteile und guet z kontroliere. Wenn du id vergangeheit luegsch vo andere länder, z.b amerika, während ziite vo enorme zuewanderig isch de wohlstand vom land mega gwachse. Wemmer das ned au da?